Bìoball air-loidhne

Sṳ̂-phiên 56 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Sin-kho Song-ti ke Khì-tó
Thai-ví chhai Kâ-thi̍t pûn Fî-li-sṳ-ngìn chok-hi yî-heu só khat ke sṳ̂ , kâu-pûn Sṳn-kô Chhui-chóng, thiau yung Yén-fông Siong-su-táng ke Ngie̍t-kap-è.

¹ Song-ti â, lìn-mén ngài, yîn-vi ngài pûn-ngìn kûng-kit; ngài ke sù-thi̍t kûi-ngit kûng-kit ngài lòi ap-pet ngài.

² Ngài ke thi̍t-ngìn yit-chhṳ̍t kûng-kit ngài; cho ngài tui-thi̍t ke yû fî-sòng tô!

³ Chṳ-kô-chá â, chhai ngài chho̍k-kiâng ke sṳ̀-chiet, ngài oi yí-kho Ngì!

⁴ Ngài sin-kho Song-ti, chan-mî Kì ke yin-hí; ngài yí-kho Song-ti, chhiu m̀-sṳ́ kiâng má-ke. Hiet-ngiuk ke ngìn hàn-nèn tui ngài ngióng-pân nè?

⁵ Ngài ke sù-thi̍t kûi-ngit sióng-oi pho-fai ngài; kì-têu sióng-chhin yit-chhiet phan-fap oi hoi ngài.

⁶ Kì-têu chhi-si̍p, mài-fu̍k, tá-tham ngài hàng ke lu; kì-têu ke muk-tit chhiu-he oi sû ngài ke miang.

⁷ Song-ti â, khiù Ngì chit-fa̍t kì-têu ke chhui-ok; khiù Ngì tui kì-têu thai fat-khién, tá-vang kì-têu.

⁸ Ngì chhîn-chhú tî ngài só tù-tó ke châi-nan; Ngì chiông ngài ke muk-chṳp chông chhai Ngì ke phì-thoi tú. Liá yit-chhiet kám mò ki chhai Ngì ke sû tî-poi mâ?

⁹ Só-yî, ngài yit khiù-ham Ngì, sù-thi̍t chhiu thui-chéu; án-ngiòng, ngài chhiu tî, Song-ti he pông-chhu ngài ke.

¹⁰ Ngài sin-kho Song-ti, chan-mî Kì ke yin-hí; ngài sin-kho Song-chú, chan-mî Kì ke yin-hí.

¹¹ Ngài yí-kho Song-ti, chhiu m̀-sṳ́ kiâng má-ke. Hiet-ngiuk ke ngìn hàn-nèn tui ngài ngióng-pân nè?

¹² Song-ti â, ngài oi tui Ngì vàn-ngien; ngài oi tui Ngì hien kám-chhia ke chi.

¹³ Yîn-vi Ngì kiu ngài thot-lì sí-mòng, pûn ngài khî-to chhai-chhai, mò vang-thet, yû-hó sên-fa̍t chhai Song-ti mien-chhièn, chhai ke su sâng-miang ke kông-mìn chûng.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan