Sṳ̂-phiên 5 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Khì-khiù Pí-yu
Thai-ví ke sṳ̂, kâu-pûn Sṳn-kô Chhui-chóng, chhôi-sêu lòi-fò.

¹ Song-chú â, khiù Ngì thâng ngài ke fa; khiù Ngì liù-yi thâng ngài ke than-sit.

² Ngài ke Vòng, ngài ke Song-ti â, liù-sîm thâng ngài khiù-ham ke sâng; yîn-vi ngài he hiong Ngì khì-tó!

³ Song-chú â, thiên-mùng-kông Ngì thâng-tó ngài ke sâng; tá-chó ngài chhiu tui Ngì khién-khiù, tén-heu Ngì.

⁴ Ngì he mò fôn-hí chhui-ok ke Song-ti; Ngì put-chún sià-ok ngìn thùng Ngì khiung-ha.

⁵ Kiêu-ngau ke ngìn, chhai Ngì ngién-chhièn khî m̀-he̍t; só-yû chok-ok ke ngìn, Ngì yen-hen kì-têu.

⁶ Kóng fâ-liâu ke, Ngì yit-thin voi fí-me̍t kì-têu; hau liù ngìn-hiet lâu kúi-cha ke, Song-chú tông-nâu kì-têu.

⁷ Chúng-he ngài, yîn-vi Ngì fûng-sṳn ke chhṳ̀-oi, ngài cho-tet ngi̍p-hi Ngì ke sṳn-só; ngài oi kiûng-kiûng kin-kin phu̍k-tén, chhai Ngì ke sṳn-thien kin-pai Ngì.

⁸ Song-chú â, yîn-vi ngài ke tui-thi̍t khon-tén ngài, khiù Ngì tai-liâng ngài, pûn ngài sṳ̍t-hàng Ngì ke chṳ́-yi, pûn ngài chhṳ̍t-chhṳ̍t hàng Ngì vi ngài ôn-phài ke tho-lu.

⁹ Sù-thi̍t ke fa chhiòn-phu he sin m̀-tet ke; kì-têu ke sîm só-sióng ke chṳ́-yû fí-me̍t. Kì-têu ke hèu-lièn chhiong tá-khôi ke fùn-mu, choi-thiàm sa̍t-va̍t, chôn-mùn kóng kúi-cha ke fa.

¹⁰ Song-ti â, khiù Ngì thin kì-têu ke chhui, pûn kì-têu chung-tó chhṳ-kâ ke kúi-kie. Khiù Ngì tui Ngì mien-chhièn chiông kì-têu kiuk-chéu, yîn-vi kì-têu phoi-ngia̍k Ngì, chhui-ok mân-mân.

¹¹ Ngien tet-tó Ngì pí-yu ke ngìn chhiòn-phu khoai-lo̍k, ngien kì-têu yit-chhṳ̍t fôn-hí lòi ngìm-sṳ̂ chhong-kô. Khiù Ngì pó-fu ke-têu kin-oi Ngì ke ngìn, pûn kì-têu fôn-hí siung-chan Ngì.

¹² Song-chú â, Ngì thin-chho̍k voi su-fuk pûn chṳn-ngi ke ngìn; Ngì ke lìn-mén chhiong tún-phài voi si-mien pó-yu kì-têu.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan