Sṳ̂-phiên 49 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Yí-kho Chhòi-sán ke Ngì-ngong
Khó-lâ heu-thoi ke sṳ̂, kâu-pûn Sṳn-kô Chhui-chóng.

¹ Van-mìn â, ngì-têu oi thâng-hó! Sṳ-kiên-ngìn â, oi liù-sîm thâng!

² Mò-lun he phìn-chhien fu-kui, lûng-chúng oi chet-ngí lòi-thâng!

³ Ngài ke choi oi kóng chṳ-fi ke fa; ngài ke sîm oi sióng thûng-tha̍t ke sṳ.

⁴ Ngài ke ngí-kûng oi se-ngi thâng pí-yi; ngài oi thàn-khìm kié-mìn ngài ke liang-é.

⁵ Chhai châi-nan lìm-to ke-têu ngit-è, sù-thi̍t vì-khun tén ngài ke-yông-sṳ̀, ngài cho-má-ke oi-sṳ́ chho̍k-kiâng nè?

⁶ Kì-têu put-ko he kho chhièn-chhòi ke ngìn, só khoâ-khiéu ke he chhòi-sán tô thin-thin.

⁷ Ngìn mò fap-thu su̍k-chón chhṳ-kâ ke hiûng-thi, ya mò-fap thoi kì na̍p su̍k-ka pûn Song-ti.

⁸ Sâng-miang ke su̍k-ka khi̍t-kui, chhie̍t-tui mò-ngìn fu tet-chhut.

⁹ Sióng-oi yún-yén sâng-sâng, m̀-sṳ́ sí, liá he chhie̍t-tui mò khó-nèn ke sṳ.

¹⁰ Oi khon chhîn-chhú, yû chṳ-fi ke ngìn voi sí, ngong-ngong tong-tong ke ngìn khiung-yong voi me̍t-mòng; kì-têu lûng-chúng chiông chhièn-chhòi liù-pûn phe̍t-ngìn.

¹¹ Sûi-yèn kì-têu sṳt yû chhṳ-kâ ke thú-thi, chúng-he yún-yén ke kâ he chhúng-pû thin-thin; kì-têu oi yit-chhṳ̍t liù chhai chhúng-pû tî-poi.

¹² Ngìn sûi-yèn he̍t chhai chûn-kui chûng hàn-he voi sí; kì lâu voi sí ke khìm-chhu mò má-ke fûn-phe̍t.

¹³ Khon â, yí-kho chhṳ-kâ ke ngìn, kì-têu ke miang-yun ngióng-pân; khon ke-têu khoâ-khiéu tet-tó chhòi-sán ke ngìn kiet-khiu̍k ngióng-pân.

¹⁴ Kì-têu lâu yòng-è yit-yong chu-thin lo̍k yîm-kiên; “Sí-mòng” thin-chho̍k voi sàng-cho kì-têu ke mu̍k-chá. Kì-têu ke sṳ̂n-sṳ̂ ya oi chhai chhúng-pû tî-poi mièn-thet; thiên-kông ke sṳ̀, ke-têu ngi-ngìn chhiu oi yàng-ko kì-têu.

¹⁵ Chúng-he Song-ti voi kiu-su̍k ngài ke lìn-fùn; Kì voi kiu ngài thot-lì yîm-kiên ke khièn-sṳ.

¹⁶ Khon-tó ngìn fat-chhòi, kín-lòi kín yû-chhièn, m̀-sṳ́ pot-tok-ngok;

¹⁷ kì sí ke sṳ̀ má-ke ya tai m̀-chéu; chhièn-chhòi ya m̀-voi thèn kì hâ-hi.

¹⁸ Chhiu-son kì yit-sên-ngìn chhin tet-yi, miàng-sâng su-tó phe̍t-ngìn ke chhṳ̂n-chan,

¹⁹ kì chui-heu hàn-he oi thèn chú-siên hi, yún-yén mò fap-thu chai khon-tó kông-mìn.

²⁰ Ngìn sûi-yèn he̍t chhai chûn-kui chûng, na mò kok-ngu, kì lâu voi sí ke khìm-chhu mò má-ke fûn-phe̍t.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan