Bìoball air-loidhne

Sṳ̂-phiên 48 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Siak-ôn — Song-ti ke Sàng
Khó-lâ heu-thoi ke sṳ̂-kô.

¹ Song-chú chṳ-thai! Chhai ngài-têu Song-ti ke sàng-nui, chhai Kì ke sṳn-sân-táng, Kì yin-tông su chui-thai ke chan-mî!

² Song-ti ke Siak-ôn-sân chhin-chiâng chhin-kô; thai kiûn-vòng ke sàng sṳ́ van-mìn fôn-hí.

³ Song-ti chhai sàng ke kiûng-thien tî-poi; Kì hién-mìn chhṳ-kâ he phit-nan-só.

⁴ Lie̍t-pâng ke vòng chhi-si̍p khiung-ha, siông-khiung lòi kûng-tá Siak-ôn-sân.

⁵ Kì-têu yit khon-tó liá-sàng chhiu thai chho̍k-kiâng; kì-têu kiâng-to mò kat-sat, kiak-kiak thò-chéu.

⁶ Chhai ke-vi kì-têu yu chho̍k-kiâng yu thung-khú, chhiong fu-ngìn-kâ kiung-chṳ́ ke sṳ̀ án kân-khú,

⁷ chhiong Thâ-sṳ̂ ke fo-sòn pûn tûng-fûng tá-lan án-chhám.

⁸ Chhai Song-chú, Van-kiûn ke Ngièn-soi — ngài-têu Song-ti ke sàng-nui, thèu-pái ngài-têu só thâng-kóng ke, liá-ha ngài-têu khon-tó lé; Song-ti yit-thin voi pó-fu liá-sàng, chhṳ̍t-to yún-yén.

⁹ Song-ti â, chhai Ngì ke sṳn-thien chûng, ngài-têu sióng-ngiam Ngì put-pien ke chhṳ̀-oi.

¹⁰ Song-ti â, mân thiên-ha ke ngìn siung-chan Ngì; Ngì ke miàng chhòn-phien chhiòn sṳ-kie! Ngì yung chṳn-ngi thúng-chhṳ;

¹¹ ngien Siak-ôn-sân fôn-hí! Ngien Yù-thai ke sàng-sṳ khoai-lo̍k, yîn-vi Ngì ke sṳ́m-phan kûng-chṳn!

¹² Ngì-têu oi tîn-tén Siak-ôn lòi-hàng, son kì ke sàng-lèu khon yû kí-tô;

¹³ oi siòng-se khon sàng-chhiòng lâu sàng-pó, hó lâu ngì-têu ke heu-thoi chhòn-kóng:

¹⁴ Liá Song-ti yún-yún yén-yén he ngài-têu ke Song-ti; Kì yit-thin voi sṳ-sṳ thoi-thoi tai-liâng ngài-têu.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan