Sṳ̂-phiên 47 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Chṳ-kô ke Thúng-chhṳ-chá
Khó-lâ heu-thoi ke sṳ̂, kâu-pûn Sṳn-kô Chhui-chóng.

¹ Van-mìn â, oi phok-sú thai-sâng hêm! Oi thai-sâng chhong-kô, siung-chan Song-ti!

² Chṳ-kô ke Song-chú he tet-ngìn kin-vi ke; Kì he thai kiûn-vòng, thúng-chhṳ chhiòn sṳ-kie.

³ Kì sṳ́ van-mìn hòng-fu̍k ngài-têu; yu sṳ́ van-pâng phu̍k chhai ngài-têu kiok-hâ.

⁴ Kì vi-tó ngài-têu tho̍k yit-te he̍t ke thú-thi, cho Kì só siak ke Ngâ-kok tet-yi ke sán-ngia̍p.

⁵ Song-ti chhai fôn-hí hêm ke sâng-chûng tên pó-chho; Song-chú chhai yòng-kok ke sâng-yîm chûng chhô vòng-vi!

⁶ Ngì-têu oi chhong-kô siung-chan Song-ti! Oi chhong-kô siung-chan ngài-têu ke Vòng!

⁷ Yîn-vi Song-ti he chhiòn sṳ-kie ke Vòng; ngì-têu yin-tông ngìm-sṳ̂ lòi siung-chan Kì!

⁸ Song-ti chhô chhai Kì sṳn ke pó-chho song; Kì cho Vòng thúng-chhṳ van-koet.

⁹ Lie̍t-koet ke liâng-chhiu chhi-si̍p khiung-ha, oi cho Â-pak-lâ-hón ke Song-ti ke chṳ́-mìn; yîn-vi thi-song ke vòng lûng-chúng su̍k Song-ti; Kì yén-yén chhêu-ko van-yû.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan