Bìoball air-loidhne

Sṳ̂-phiên 46 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Song-ti Lâu Ngài-têu Thùng-chhai
Khó-lâ heu-thoi ke sṳ̂-kô, kâu-pûn Sṳn-kô Chhui-chóng, yung kô-yîm lòi-chhong.

¹ Song-ti he ngài-têu ke phit-nan-só lâu li̍t-liong, he ngài-têu fam-nan chûng khi̍p-sṳ̀ ke pông-chhu.

^2-3 Só-yî, sûi-yèn yû thai thi-thûng, kô-sân pên-thet, lo̍k-to hói-chûng, sûi-yèn hói-long thâu-thiên, khiùn-sân yèu-thung, ngài-têu ya m̀-kiâng.

⁴ Yû yit-thiàu hò-pa chiông hí-lo̍k tai-to Song-ti ke sàng, to Chṳ-kô-chá he̍t ke sṳn-só.

⁵ Song-ti chhai sàng-chûng, sàng chhiu m̀-voi vang-thet; thiên yit-kông, Song-ti ke yên-chhu chhiu voi to.

⁶ Van-pâng sâu-thung, lie̍t-koet vang-thet; Song-ti hióng-lùi-kûng, thai-thi chhiu yùng-thet.

⁷ Song-chú — Van-kiûn ke Ngièn-soi lâu ngài-têu thùng-chhai; Ngâ-kok ke Song-ti he ngài-têu ke sàng-pó!

⁸ Lòi â, lòi khon Song-chú ke chok-vì; khon Kì chhai thi-song só-cho ke khì-sṳ.

⁹ Kì phìn-thin sṳ-kie ke chan-lon; Kì áu-thôn kiûng-chien, chiông chhiông chám-thôn, fó-sêu tún-phài.

¹⁰ Kì kóng: “Tiâm-tiâm! Oi tî Ngài he Song-ti! Chhai van-koet chûng Ngài he chṳ-chûn ke, chhai chhiòn-thi song Ngài he chṳ-kô ke.”

¹¹ Song-chú — Van-kiûn ke Ngièn-soi lâu ngài-têu thùng-chhai; Ngâ-kok ke Song-ti he ngài-têu ke sàng-pó!

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan