Bìoball air-loidhne

Sṳ̂-phiên 44 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Khì-khiù Pó-fu
Khó-lâ heu-thoi ke kau-hiun-sṳ̂, kâu-pûn Sṳn-kô Chhui-chóng.

¹ Song-ti â, ngài-têu sṳt chhîn-ngí thâng-ko, ngài-têu ke chú-siên lâu ngài-têu kóng-ko: Thèu-pái, chhai kì-têu ke sṳ̀-thoi, Ngì só-hàng ke yit-chhiet thai-sṳ.

² Ngì yung Ngì ke khièn-nèn chiông ngoi-chhu̍k-ngìn kiuk chhut-hi, chhai kì-têu ke thú-thi song châi-phì ngài-têu ke chú-siên; Ngì chit-fa̍t ke-têu ngoi-chhu̍k ke ngìn, fán-chón sṳ́ ngài-têu ke chú-siên tet-tó hîn-vong.

³ Ngài-têu ke chú-siên m̀-he kho tô-kiam chṳ̂n-fu̍k ke-thi, ya m̀-he kho chhṳ-kâ ke nèn-li̍t tet-tó sṳn-li; he kho Ngì ke sú, Ngì ke nèn-li̍t, Ngì ke thùng-chhai, yîn-vi Ngì siak kì-têu.

⁴ Ngì he ngài ke Vòng, ngài ke Song-ti; Ngì sṳ́ Ngâ-kok Ngì ke chṳ́-mìn tá-yàng.

⁵ Thûng-ko Ngì ke thai-nèn, ngài-têu chiông thi̍t-ngìn tá-vang; kho Ngì ke miàng, ngài-têu chien-tha̍p kûng-kit ngài-têu ke.

⁶ Ngài mò yí-kho chhṳ-kâ ke kiûng; ngài ke kiam ya m̀-voi kiu ngài.

⁷ Chṳ́-yû Ngì kiu ngài-têu thot-lì thi̍t-ngìn, sṳ́ ke-têu yen-hen ngài-têu ke lau-khui.

⁸ Ngài-têu oi sòng-sòng chan-mî Song-ti! Ngài-têu oi yún-yén kám-chhia Ngì!

⁹ Liá-ha, Ngì sa piong-thet ngài-têu, sṳ́ ngài-têu su vú-yu̍k; Ngì mò-oi chai thùng ngài-têu ke kiûn-chhui khiung-ha chhut-chan.

¹⁰ Ngì sṳ́ ngài-têu chhai sù-thi̍t ke mien-chhièn tá-sû thui-heu; ke-têu yen-hen ngài-têu ke chiông ngài-têu chhióng-to chhiang-chhiang.

¹¹ Ngì sṳ́ ngài-têu chhiong yòng-è pûn-ngìn chhṳ̀, chiông ngài-têu fûn-san chhai lie̍t-koet tông-chûng.

¹² Ngì chiông chhṳ-kâ ke chṳ́-mìn phièn-ngì mai-thet; Ngì mò yîn-vi án-ngiòng tet-tó má-ke li-yit.

¹³ Ngì sṳ́ ngài-têu su lìn-koet ke siû-yu̍k; chû-vì ke ngìn sâu-nat ngài-têu, seu ngài-têu.

¹⁴ Ngì sṳ́ ngài-têu sàng-cho lie̍t-koet ke seu-fa; van-koet ke ngìn chhiòn-phu yèu-thèu seu ngài-têu.

¹⁵ Siû-yu̍k sòng-sòng chhai ngài mien-chhièn, ngài mân-mien pûn kien-seu châ-tén;

¹⁶ yîn-vi thâng-tó ke he sâu-nat fí-pong ke sâng, khon-tó ke he tui-thi̍t lâu oi po-sù ke ngìn.

¹⁷ Liá-têu sṳ-chhìn fat-sên chhai ngài-têu ke sṳ̂n-song, chúng-he, ngài-têu chhiùng-lòi m̀-sṳt m̀ ki-tet Ngì, mò vì-poi Ngì ke yok.

¹⁸ Ngài-têu m̀-sṳt tui Ngì mò chûng-sîm, ya m̀-sṳt fán-khong Ngì ke min-lin;

¹⁹ chúng-he Ngì chak-sui ngài-têu, yu piong ngài-têu chhai yâ-kiéu ke chûng-kiên, pûn ngài-têu chhai sí-mòng ke yîm-yáng chûng.

²⁰ Ngài-têu na m̀ ki-tet ngài-têu ke Song-ti, hiong ngoi-chhu̍k-ngìn ke sṳ̀n-mìn khì-tó,

²¹ Song-ti yit-thin voi chhà chhut-lòi, yîn-vi Kì chhṳ̂m-tî ngìn-sîm ke pi-me̍t.

²² Sṳ-sṳ̍t-song, ngài-têu vi Ngì ke yèn-ku kûi-ngit tén-sí; ngìn khon ngài-têu chhiong-he oi chhṳ̀ ke yòng.

²³ Chú â, hó siáng lé! Ngióng-pân hàn soi-muk nè? Hó hong lé! M̀-hó yún-yén khî-chhie̍t ngài-têu!

²⁴ Ngì cho-má-ke êm-tén Ngì ke mien m̀-tap ngài-têu nè? Ngióng-voi m̀ ki-tet ngài-têu su ke khú-nan lâu pet-hoi?

²⁵ Ngài-têu vang chhai thi-song, kûi-sṳ̂n phuk-to tap-tap.

²⁶ Khiù Ngì hong-hí-lòi pông-chhu ngài-têu! Yîn-vi Ngì put-pien ke chhṳ̀-oi, khiù Ngì kiu-su̍k ngài-têu!

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan