Bìoball air-loidhne

Sṳ̂-phiên 40 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Siung-chan ke Sṳ̂-kô
Thai-ví ke sṳ̂, kâu-pûn Sṳn-kô Chhui-chóng.

¹ Ngài nai-sîm ngióng-mong Song-chú; Kì chhùi-thâng ngài ke khì-khiù.

² Kì chiông ngài tui chhṳ̂m-hâng lâu nài-mòi tî-poi lâi chhut-lòi; Kì chiông ngài piong chhai phàn-sa̍k-táng, yu ôn-chhiòn yu thó-tong.

³ Kì kâu ngài chhong sîn ke sṳ̂-kô, chhiu-he chan-mî ngài-têu Song-ti ke sṳ̂-kô. Chhin-tô khon-tó ke ngìn voi kin-fu̍k, ngien-yi lòi yí-kho Song-chú.

⁴ Chhiòn-sîm yí-kho Song-chú ke ngìn, sṳ̍t-chhai yû fuk-hi ô! Kì m̀-pai ngiéu-siong, ya m̀ thùng pai ká-sṳ̀n ke ngìn khiung-ha.

⁵ Song-chú — ngài ke Song-ti â, Ngì sṳt vi ngài-têu cho án-tô thai-sṳ, mò-ngìn yû fap-thu lâu Ngì pí! Ngì vi ngài-têu só-cho lâu kie-va̍k ke khì-meu sṳ-chhìn, sṳ̍t-chhai chṳ̂n-tô, kóng m̀-chhin.

⁶ Ngì mò-oi chi-vu̍t lâu kiûng-vu̍t; Ngì ya mò-oi sêu-fa-chi lâu su̍k-chhui-chi. Fán-chón, Ngì su-pûn ngài thâng-chhiùng ke ngí-kûng,

⁷ só-yî ngài en Ngì kóng: “Khon â, ngài lòi lé! Ngì tui ngài ke chṳ́-sṳ yû ki chhai fap-li̍t ke sû-chûng.

⁸ Ngài ke Song-ti â, ngài fî-sòng lo̍k-yi chûn-hàng Ngì ke chṳ́-yi! Ngài chiông Ngì ke kau-sṳ ki chhai ngài ke sîm-chûng.”

⁹ Song-chú â, chhai Ngì chṳ́-mìn ke chhi-fi chûng, ngài sṳt chhòn-yòng Ngì chṳ́n-kiu ke hó sêu-sit; Ngì tî, ngài thin-chho̍k voi yit-chhṳ̍t kín chhòn-yòng.

¹⁰ Ngài m̀-sṳt chiông Ngì chṳ́n-kiu ke sin-sit am-am khong chhai sîm-chûng, fán-chón sòng-sòng kóng-hí Ngì ke sin-sṳ̍t lâu kiu-ên; ngài m̀-sṳt chhai thai-fi chûng chiông Ngì put-pien ke chhṳ̀-oi lâu sin-sṳ̍t khong-tén.

¹¹ Song-chú â, Ngì thin-chho̍k m̀-voi sû-fì Ngì tui ngài ke thung-siak; Ngì put-pien ke chhṳ̀-oi lâu sin-sṳ̍t voi yit-chhṳ̍t cho ngài ke pó-fu.

Khiù Pông-chhu ke Khì-tó
( Sṳ̂-phiên 70 )

¹² Son m̀-chhin ke fam-nan vì-khun ngài; ngài ke chhui kiuk-tó ngài, pûn ngài ke thèu-nà khià m̀-hí; ngài ke chhui-ko pí thèu-nà-mô hàn-kha tô, hoi ngài sîm-hòn tám-chûn!

¹³ Song-chú â, khiù Ngì sṳ̂-ên chṳ́n-kiu ngài! Khiù Ngì kiak-kiak lòi pông-chhu ngài!

¹⁴ Ngien ke-têu sióng-oi sû ngài miang ke ngìn sṳt-phai kien-seu! Ngien sióng-oi khon ngài su-hoi ke ngìn thui-chéu su vú-yu̍k!

¹⁵ Ngien ke-têu sâu-nat ngài kóng: “Â-hâ! Hó-se lê!” ke ngìn, chhṳ-kâ kien-seu lòi tá-lon-thui!

¹⁶ Ngien só-yû chhìm-khiù Ngì ke ngìn yîn-vi Ngì fôn-hí khoai-lo̍k! Ngien yit-chhiet oi-mu Ngì chṳ́n-kiu ke ngìn kín-kóng: “Song-chú chṳ̂n ví-thai!”

¹⁷ Ngài he chhin ngiôn-ngio̍k yu khiùng-khú ke ngìn, Chú â, chúng-he Ngì hàn-he ku-ngiam ngài. Ngì he ngài ke pông-chhu, ngài ke chṳ́n-kiu-chá; ngài ke Song-ti â, khiù Ngì m̀-hó thìn-thò!

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan