Bìoball air-loidhne

Sṳ̂-phiên 36 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Ngìn ke Sià-ok lâu Song-chú ke Liòng-san
Song-chú ke phu̍k-ngìn Thai-ví ke sṳ̂, kâu-pûn Sṳn-kô Chhui-chóng.

¹ Chhui chhai fái-ngìn ke sîm-tái kín-kóng; chhai kì khon-lòi, m̀-sṳ́ kiâng Song-ti.

² Chhui-ngìn chhṳ-kô chhṳ-thai, láu-tó Song-ti m̀-voi fat-kok, m̀-voi chit-fa̍t kì ke chhui.

³ Kì mân-choi he sià-ok lâu kúi-cha; kì chó chhiu mò chṳ-fi, mò hàng-san.

⁴ Kì sông-chhòng heu hàn-he thù-mèu fái-sṳ, só-oi hàng ke chhiòn-phu m̀-he hó-sṳ; kì chhiùng-lòi m̀-sṳt khî-chhie̍t chhui-ok.

⁵ Song-chú â, Ngì put-pien ke chhṳ̀-oi kô-to tù-thiên; Ngì ke sin-sṳ̍t tha̍t-to kiûng-chhông.

⁶ Ngì ke kûng-ngi chhiong kô-sân vún-ku; Ngì ke phan-ton chhiong chhṳ̂m-yên nàn-chhet. Mò-lun he ngìn ya-he thèu-sâng, Song-chú â, Ngì chhiòn-phu khon-ku!

⁷ Song-ti â, Ngì put-pien ke chhṳ̀-oi sṳ̍t-chhai pó-kui! Sṳ-kiên-ngìn chhai Ngì ke yi̍t-kap hâ chhìm-tó pí-yu.

⁸ Kì-têu chhai Ngì ke vuk-hâ hióng-su yèn-si̍t; Ngì pûn kì-têu lîm Ngì khoai-lo̍k ke chhièn-súi.

⁹ Ngì chhiu-he yit-chhiet sâng-miang ke ngièn-thèu; chhai Ngì ke kông chûng, ngài-têu khon-tó kông.

¹⁰ Khiù Ngì yit-chhṳ̍t thung-siak ngin-sṳt Ngì ke ngìn; khiù Ngì ki-siu̍k pûn chṳn-chhṳ̍t ke ngìn kûng-tho.

¹¹ Mo̍k pûn kiêu-ngau ke ngìn châu-tha̍p tó ngài; mo̍k pûn sià-ok ke ngìn chiông ngài kiuk-chéu.

¹² Ngì khon, chok-ok ke ngìn vang lo̍k-hi lé; yí-kîn súng-vang lé, hong m̀ hí-lòi lé!

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan