Bìoball air-loidhne

Sṳ̂-phiên 33 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Siung-chan ke Sṳ̂-kô

¹ Ngi-ngìn â, ngì-têu oi yîn-vi Song-chú fôn-hí chhong-kô; chṳn-chhṳ̍t ke ngìn â, ngì-têu siung-chan Kì he yin-tông ke.

² Oi thàn-khìm kám-chhia Song-chú, yung sṳ̍p-hièn-khìm kô-siung Kì.

³ Oi chhong sîn ke sṳ̂-kô chan-mî Kì; oi thàn-to chhin-hó, thai-sâng lòi chhong.

⁴ Yîn-vi Song-chú ke fa chṳn-chhṳ̍t; Kì só-cho ke chhiòn-phu sin-sṳ̍t.

⁵ Song-chú fôn-hí chṳn-ngi lâu kûng-phìn; Kì put-pien ke chhṳ̀-oi chhûng-mân chhiòn-thi.

⁶ Chû-thiên he thûng-ko Song-chú ke min-lin lòi chhóng-chho ke; ngit, ngie̍t, sên-sṳ̀n ya he thûng-ko Kì ke fa chho-sṳ̀n ke.

⁷ Kì chiông hói-súi chhi-si̍p khiung-ha; Kì yung thai-hói lòi cho súi-khu.

⁸ Ngien chhiòn sṳ-kie kin-vi Song-chú! Ngien sṳ-kiên ke van-mìn kiâng Kì!

⁹ Kì yit chhut-sâng chhiu yû sṳ-kie; Kì yit min-lin van-yû chhiu khî-chhai.

¹⁰ Song-chú pho-fai van-koet ke yîm-mèu; Kì sṳ́ van-mìn ke kie-mèu sṳt-háu.

¹¹ Song-chú ke kie-va̍k yún-yén chhòng-chhùn; Kì ke chṳ́-yi van-thoi put-pien.

¹² Chûn Song-chú cho Song-ti ke koet-kâ sṳ̍t-chhai yû fuk-hi! Kì só kién-sién kûi-su̍k Kì ke chṳ́-mìn chṳ̂n-yû fuk-hi!

¹³ Song-chú tui thiên-táng khon hâ-lòi; Kì khon-tó chhiòn sṳ-kie ke ngìn.

¹⁴ Kì tui chhṳ-kâ ke pó-chho khon-tén sṳ-kiên ke van-mìn.

¹⁵ Ngìn ke sîm chhiòn-phu he Kì chho ke; ngìn ke hàng-vì Kì chhiòn-phu kam-chhat.

¹⁶ Kiûn-vòng tet-sṳn m̀-he kho pîn-tô; chan-sṳ tá-yàng m̀-he kho li̍t-thai.

¹⁷ Kho chan-mâ lòi tet-sṳn he nong-sióng; mâ ke li̍t-thai mò phan-fap kiu ngìn.

¹⁸ Song-chú chhîn-ngién khon-ku kin-vi Kì ke ngìn; Kì khon-ku ngióng-mong Kì chhṳ̀-oi ke ngìn.

¹⁹ Kì kiu kì-têu, pûn kì-têu thot-lì sí-mòng, thiên-hôn ke sṳ̀, pó-liù kì-têu ke sin-miang.

²⁰ Ngài-têu sîm só ngióng-mong ke chhiu-he Song-chú; Kì pông-chhu ngài-têu, cho ngài-têu ke tún-phài.

²¹ Ngài-têu ke sîm oi yîn-vi Kì fôn-hí, yîn-vi ngài-têu sin-kho Kì ke sṳn-miàng.

²² Song-chú â, ngài-têu ngióng-mong Ngì; ngien Ngì put-pien ke chhṳ̀-oi lâu ngài-têu thùng-chhai!

Lean sinn:

Ceanglaichean taic

Sanasan