Bìoball air-loidhne

Sṳ̂-phiên 31 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Sin-kho Song-chú ke Khì-tó
Thai-ví ke sṳ̂, kâu-pûn Sṳn-kô Chhui-chóng.

¹ Song-chú â, ngài chhìm-khiù Ngì ke pí-yu; khiù Ngì yún-yén mo̍k pûn ngài kien-seu. Ngì he kûng-ngi ke Song-ti; khiù Ngì yit-thin oi kiu ngài!

² Khiù Ngì thâng ngài khì-khiù, kiak-kiak lòi chṳ́n-kiu ngài! Khiù Ngì cho ngài ke phàn-sa̍k lòi pó-fu ngài, khiù Ngì cho ngài ke sàng-pó lòi chṳ́n-kiu ngài.

³ Ngì he ngài ke phàn-sa̍k, ngài ke sàng-pó; khiù Ngì yîn-vi Ngì ke miàng tai-liâng ngài.

⁴ Kiu ngài thot-lì hoi ngài ke lò-mióng, yîn-vi Ngì he ngài ke phit-nan-só.

⁵ Ngài chiông ngài ke lìn-fùn kâu chhai Ngì ke sú-chûng; Song-chú — sin-sṳ̍t ke Song-ti â, Ngì he yit-chhṳ̍t kiu-su̍k ngài ke.

⁶ Ngài nâu-sí ke-têu pai ká sṳ̀n ke ngìn; chúng-he ngài tit-khok sin-kho Song-chú.

⁷ Yîn-vi Ngì put-pien ke chhṳ̀-oi, ngài oi fôn-hí khoai-lo̍k. Ngì khon-tó ngài ke thung-khú, tî ngài sîm-sṳ̀n ke kiên-nàn.

⁸ Ngì m̀-sṳt pûn ngài lo̍k chhai sù-thi̍t ke sú-chûng; Ngì pûn ngài khî chhai ôn-chhiòn yu fat ke thi-fông.

⁹ Song-chú â, khiù Ngì lìn-mén ngài, yîn-vi ngài chhai fam-nan chûng; ngài kieu-to muk-chû chúng-chúng, sṳ̂n-thí lìn-fùn ya khû-châu.

¹⁰ Ngài ke sâng-miang kín-sèu kín-ngio̍k; ngài ke su-ngièn kín-chhên kín-séu. Fam-nan hoi ngài kín lòi kín mò ngièn-hi; ngài ke kut-thèu ya kín lòi kín ngang-kau.

¹¹ Ke-têu sù-thi̍t chhiòn-phu vú-yu̍k ngài, lièn kak-piak lìn-sa ya sâu-nat ngài; tî-kí ke phèn-yû chhin-kiâng kien ngài, chhai lu-song tù-tó ngài chhiu sám-chéu.

¹² Ngài chhiong yí-kîn ko-sṳ̂n ke ngìn, mò ngìn ki-tet ngài, ku-ngiam ngài; ngài chhiu chhiong tá-lan ke fì-è.

¹³ Ngài thâng-tó chhin-tô fí-pong ke fa, chû-vì chhûng-mân tet-ngìn-kiâng ke sâng. Kì-têu khiung-ha chhâm-siòng oi hoi ngài, yîm-mèu oi sû-thet ngài ke sin-miang.

¹⁴ Chúng-he, Song-chú â, ngài sin-kho Ngì; ngài kóng: “Ngì he ngài ke Song-ti!”

¹⁵ Ngài yit-sên-ngìn ke sṳ vàn-chhiòn chhai Ngì ke sú-chûng; khiù Ngì kiu ngài thot-lì thi̍t-ngìn lâu pet-hoi ngài ke ngìn.

¹⁶ Khiù Ngì ke mien kông-cheu Ngì ke phu̍k-ngìn; khiù Ngì cheu Ngì put-pien ke chhṳ̀-oi chṳ́n-kiu ngài.

¹⁷ Song-chú â, ngài yí-kîn tui Ngì khiù-ham; khiù Ngì m̀-hó pûn ngài tù-tó kien-seu. Khiù Ngì sṳ́ sià-ok ke ngìn tù-tó kien-seu; ngien kì-têu lo̍k yîm-kiên, chhiòn mò-fa hó-kóng.

¹⁸ Ngien Ngì set-tén ke-têu kóng fâ-liâu ke ngìn ke choi; pûn kiêu-ngau, chhṳ-khoâ, kûng-kit ngi-ngìn ke tiâm-hâ-lòi.

¹⁹ Ngì vi kin-vi Ngì ke ngìn só-chhùn ke, Ngì vi yí-kho Ngì ke ngìn só-hàng ke, chhai sṳ-kiên-ngìn ke mien-chhièn, sṳ̍t-chhai hó-to kóng m̀-thet!

²⁰ Ngì chiông kì-têu khong chhai Ngì mien-chhièn ôn-chhiòn ke só-chhai, miên-tet kì-têu tù-tó thi̍t-ngìn ke am-son; Ngì pó-sú kì-têu chhai Ngì ke vuk-tú, miên-tet kì-têu pûn-ngìn chu-ma.

²¹ Oi siung-chan Song-chú! Ngài chhai sàng-tú pûn-ngìn vì-khun ke sṳ̀, Kì tui ngài hién-chhut khì-meu ke chhṳ̀-oi!

²² Song-chú â, ngài sîm-kôn chho̍k-kip ke sṳ̀ sṳt kóng: “Ngài tui Ngì ke mien-chhièn pûn Ngì kiuk-to yén-yén”; chúng-he ngài yit khiù Ngì pông-chhu, Ngì chhiu sṳ̂-ên thâng ngài khiù-ham.

²³ Song-chú chûng-sîm ke chṳ́-mìn â, ngì-têu oi kin-oi Song-chú! Song-chú pó-yu tui Kì sṳ̀n-sîm ke chṳ́-mìn, chúng-he ngiàm-ngiàm chit-fa̍t hàng-sṳ kiêu-ngau ke ngìn.

²⁴ Só-yû ngióng-mong Song-chú ke ngìn â, ngì-têu oi kông-khiòng, ya oi yúng-kám!

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan