Bìoball air-loidhne

Sṳ̂-phiên 30 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Kám-ên ke Khì-tó
Thai-ví fung-hien sṳn-thien ke sṳ̂-kô.

¹ Song-chú â, ngài oi chhṳ̂n Ngì cho chṳ-kô ke, yîn-vi Ngì sṳt tui chhṳ̂m-yên kiu ngài chhut-lòi, m̀ pûn thi̍t-ngìn tui ngài khoâ-khiéu.

² Song-chú — ngài ke Song-ti â, ngài khiù Ngì pông-chhu, Ngì chhiu yî-hó ngài.

³ Song-chú â, Ngì sṳt chiông ngài tui yîm-kiên kiu sông-lòi, yu fî-fu̍k ngài ke sâng-miang, m̀-sṳ́ lo̍k yîm-fú.

⁴ Song-chú chûng-sîm ke chṳ́-mìn â, oi kô-siung Kì; ngì-têu oi kám-chhia Chṳ-sṳn-chá ke sṳn-miàng!

⁵ Yîn-vi, Kì ke nu-hi yit-ha chhiu ko-thet; chúng-he, Kì ke ên-tién theu-to yit-sên-ngìn. Sûi-yèn kûi am-pû muk-chṳp làm-kâm, thiên yit-kông chhiu yû fôn-hí khoai-lo̍k.

⁶ Ngài sṳt sîm-sṳ̀n chhai-chhai kóng: “Ngài yún-yén m̀-voi yèu-thung.”

⁷ Song-chú â, yîn-vi Ngì sṳt ên-thai ngài, Ngì chhiu pûn ngài chhiong kô-sân khî-to chhai-chhai; chúng-he, Ngì êm-tén mien m̀-tap ngài, ngài chhiu pi̍t-pi̍t-chhat mò-kat mò-sat.

⁸ Song-chú â, ngài khiù-ham Ngì; ngài khién-khiù Ngì pông-chhu, kóng:

⁹ “Ngài liù-hiet to-sí yû má-ke hó-chhu nè? Ngài ngi̍p fùn-mu kám-yû kha-hó mâ? Pien-cho nài ke ngìn kám hàn-voi siung-chan Ngì? Sí-ngìn kám voi chhòn-yòng Ngì ke sin-sṳ̍t mâ?

¹⁰ Song-chú â, thâng ngài khiù, lìn-mén ngài! Song-chú â, khiù Ngì lòi pông-chhu ngài!”

¹¹ Ngì chiông ngài ke pî-sông pien-cho fôn-hí thiau-vú; Ngì pûn ngài thot-thet mà-sâm, chok khoai-lo̍k chiâng-sâm.

¹² Án-ngiòng, ngài m̀-kám tiâm-tiâm, ngài oi chhong-kô siung-chan Ngì; Song-chú — ngài ke Song-ti â, ngài oi yún-yén kám-chhia Ngì!

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan