Bìoball air-loidhne

Sṳ̂-phiên 29 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Fûng-phau chûng Song-chú ke Sâng-yîm
Thai-ví ke sṳ̂.

¹ Sṳ̀n ke chung-chṳ́ â, ngì-têu oi siung-chan Song-chú, oi siung-chan Song-chú ke yùng-kông lâu thai khièn-nèn!

² Ngì-têu oi kûi yùng-kông pûn Song-chú ke chûn-miàng; ngì-têu oi khúi-pai sṳn-kiet vî-ngiàm ke Song-chú.

³ Song-chú ke sâng-yîm chhòn-phien hói-yòng; yùng-kông ke Song-ti hióng lùi-kûng, Song-chú ke sâng-yîm hióng-phien thai-hói.

⁴ Song-chú ke sâng-yîm thai-yû nèn-li̍t; Song-chú ke sâng-yîm mân-yû vî-ngiàm.

⁵ Song-chú ke sâng-yîm chiông hiông-pak-su tá thôn-thet; lièn Lì-pâ-nun ke hiông-pak-su pûn Song-chú tá sui-thet.

⁶ Kì sṳ́ Lì-pâ-nun chhiong se-ngiù kín-thiàu, sṳ́ Het-mùn-sân chhiong yâ-ngiù-kú kín-thiau.

⁷ Song-chú ke sâng-yîm ngiap-chhut fó-kông.

⁸ Song-chú ke sâng-yîm chṳ́n-thung khóng-yâ; Song-chú yèu-thung Kâ-tí-sṳ̂ ke khóng-yâ.

⁹ Song-chú ke sâng-yîm sṳ́ siong-su kín-chûn; su-é ya lo̍k-ya̍p, kûi su-nà kông-kông. Chhai Kì sṳn-thien chûng ke, chhiòn-phu hêm-kóng: “Yùng-kông kûi-pûn Song-chú!”

¹⁰ Cho thai-súi ke sṳ̀, Song-chú chhô-tén cho vòng; Song-chú chhô-tén cho vòng, to yún-yún yén-yén.

¹¹ Ngien Song-chú su nèn-li̍t pûn Kì ke chṳ́-mìn! Ngien Song-chú yung phìn-ôn su-fuk pûn kì-têu!

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan