Bìoball air-loidhne

Sṳ̂-phiên 28 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Khiù Pông-chhu ke Khì-tó
Thai-ví ke sṳ̂.

¹ Song-chú â, ngài khiù-ham ke chhiu-he Ngì! Ngài ke phàn-sa̍k â, khiù Ngì mo̍k set-tén ngí-kûng m̀-thâng ngài! Ngì na-he ki-siu̍k tiâm-tiâm m̀-tap ngài, ngài voi chhiong phe̍t-ngìn khiung-yong lo̍k yîm-kiên.

² Khiù Ngì thâng ngài ke khiù-ham lòi pông-chhu ngài! Ngài hiong Ngì ke chṳ-sṳn-só khià-sú khì-tó, ke-sṳ̀, khiù Ngì lìn-mén ngài, thâng ngài khién-khiù!

³ Mo̍k chiông ngài thùng fái-ngìn khiung-ha thin-chhui, ya-he thùng chok-ok ke ngìn khiung-ha chhù-thet; kì-têu lâu lìn-sa kóng-fa chhin fò-hi, chúng-he kì-têu ke sîm chhûng-mân kiên-cha.

⁴ Khiù Ngì chit-fa̍t kì-têu ke hàng-vì, cheu kì-têu ke sià-ok tui-thai kì-têu; khiù Ngì cheu kì-têu sûng-sú só-cho ke, cheu kì-têu yin-tet ke po-yin kì-têu.

⁵ Yîn-vi kì-têu méu-sṳ Song-chú ke chok-vì, yu khon-khiâng Kì ke sú só-cho ke kûng-chok; só-yî, Song-chú oi fí-fai kì-têu, pûn kì-têu yún-yén hîn m̀ hí-lòi.

⁶ Song-chú he yin-tông tet-tó siung-chan ke, yîn-vi Kì thâng ngài khiù lìn-mén ke sâng.

⁷ Song-chú he ngài ke li̍t-liong, ngài ke tún-phài; ngài chhiòn-sîm sin-kho Kì, chhiu tet-tó pông-chhu. Ngài ke sîm fôn-hí khoai-lo̍k, ngài oi chhong-kô kám-chhia Kì!

⁸ Song-chú he Kì chṳ́-mìn ke li̍t-liong; Kì pí-yu chṳ́n-kiu Kì só sién-li̍p ke vòng.

⁹ Song-chú â, chṳ́n-kiu Ngì ke chṳ́-mìn, su-fuk pûn su̍k Ngì chhṳ-kâ ke ngìn. Khiù Ngì mu̍k-yông kì-têu, fù-chhṳ̀ kì-têu, chhṳ̍t-to yún-yén.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan