Bìoball air-loidhne

Sṳ̂-phiên 27 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Siung-chan ke Khì-tó
Thai-ví ke sṳ̂.

¹ Song-chú he ngài ke kông, ngài ke chṳ́n-kiu; ngài hàn-oi kiâng má-ngìn? Song-chú he ngài sâng-miang ke pó-fu-chá; ngài yû má-ke hó-kiâng â?

² Fái-ngìn, chhiu-he ngài ke sù-thi̍t, kûng-kit ngài, sióng-oi hoi-sí ngài ke sṳ̀-chiet, chhṳ-kâ fán-chón tiet-tó vang lo̍k-hi.

³ Chhiu-he yû chhiên-kiûn van-mâ vì-khun ngài, ngài ke sîm ya m̀-kiâng; chhiu-son fat-thung chan-chên kûng-kit ngài, ngài hàn-he kho Chú ôn-vún chhṳ-chhai.

⁴ Ngài tui Song-chú khiù yit-hong sṳ, chṳ́-yû liá-hong sṳ he ngài ke ngien-mong: Chhiu-he yit-sên-ngìn he̍t chhai Song-chú ke vuk-hâ, ngióng-mong Song-chú ke yùng-kông, mî-san, chhai sṳn-thien tî-poi chhìm-khiù Kì ke tai-liâng.

⁵ Chhai fam-nan ke sṳ̀-chiet, Kì voi pó-yu ngài, chiông ngài ôn-ôn chhiòn-chhiòn khong chhai Kì ke sṳn-chong-phùng tú, pûn ngài vún-vún tong-tong kô-kô khî chhai phàn-sa̍k mien-táng.

⁶ Án-ngiòng, ngài yit-thin voi tet-sṳn, yàng-ko ngài chû-vì ke sù-thi̍t. Ngài oi chhai Kì ke sṳn-chong-phùng fôn-fôn hí-hí lòi hien-chi; ngài oi chhong-kô chan-mî Song-chú!

⁷ Song-chú â, khiù Ngì thâng ngài ke khì-khiù! Khiù Ngì lìn-mén ngài, en ngài!

⁸ Ngì sṳt tui ngài kóng: “Oi ngióng-mong Ngài!” Song-chú â, Ngì chhiu-he ngài só ngióng-mong ke!

⁹ Liá-ha, khiù Ngì m̀-hó êm-tén mien m̀-tap ngài! Khiù Ngì m̀-hó fat-khién kiuk Ngì ke phu̍k-ngìn chéu! Ngì yit-chhṳ̍t he ngài ke pông-chhu. Chṳ́n-kiu ngài ke Song-ti â, khiù Ngì m̀-hó lì-khôi ngài, m̀-hó piong-thet ngài!

¹⁰ Chhiu-son ngài ke yà-ôi piong-thet ngài, Song-chú hàn oi cheu-ku ngài.

¹¹ Song-chú â, khiù Ngì chṳ́-sṳ ngài yin-tông hàng ke lu; yîn-vi yû chhin-tô thi̍t-ngìn sióng-oi hoi ngài, khiù Ngì tai ngài hàng phìn-ôn ke lu.

¹² Thi̍t-ngìn cho ká kien-chṳn hoi ngài, khiúng-hak ngài; khiù Ngì m̀-hó pûn ngài lo̍k chhai kì-têu ke sú-chûng.

¹³ Ngài khok-sin, chhai yû-sên chṳ̂-ngit, ngài voi khon-tó Song-chú sóng-su ke ên-fi.

¹⁴ Oi ngióng-mong Song-chú! Oi kông-khiòng chong-tám! Oi ngióng-mong Song-chú!

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan