Bìoball air-loidhne

Sṳ̂-phiên 26 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Chṳn-chhṳ̍t-ngìn ke Khì-tó
Thai-ví ke sṳ̂.

¹ Song-chú â, khiù Ngì siên-phan ngài mò-chhui, yîn-vi ngài cho-ngìn chṳn-chhṳ̍t; ngài yí-kho Song-chú, chhiu m̀ kiâng tiet-tó.

² Song-chú â, khiù Ngì kam-chhat ngài, kháu-ngiam ngài; khiù Ngì chhat-ngiam ngài ke sîm-sṳ̂ lâu yi-ngiam.

³ Ngì put-pien ke chhṳ̀-oi sòng chhai ngài mien-chhièn; ngài yit-chhṳ̍t cheu Ngì ke sin-sṳ̍t lòi hàng.

⁴ Ngài m̀ thùng hî-hî ká-ká ke ngìn lòi-vông, ya m̀ thùng ke-têu ká-hó ke ngìn cho-phân.

⁵ Ngài chhin-nâu sià-ok ngìn ke si̍p-fi, ya mò-oi thùng kì-têu chhô khiung-ha.

⁶ Song-chú â, ngài sé-sú lòi péu-mìn chhîn-pha̍k, yèn-heu chang tîn-tén Ngì ke chi-thàn lòi-hàng;

⁷ ngài thai-sâng chhong kám-chhia ke sṳ̂-kô, kóng-hí Ngì yit-chhiet khì-meu ke chok-vì.

⁸ Song-chú â, ngài chhin-oi Ngì he̍t ke sṳn-thien, chhiu-he Ngì yùng-kông hién-hien ke só-chhai.

⁹ Khiù Ngì mo̍k chiông ngài ke lìn-fùn thùng chhui-ngìn khiung-ha chhù-thet; mo̍k pûn ngài ke sin-miang thùng hau chhṳ̀-ngìn ke khiung-ha me̍t-mòng.

¹⁰ Kì-têu ke hàng-sṳ chhûng-mân kúi-cha, yu sòng-sòng chiap-su ngìn ke sû-mâi.

¹¹ Chúng-he, ngài cheu chṳn-chhṳ̍t lòi-hàng; khiù Ngì kiu-su̍k ngài, lìn-mén ngài!

¹² Ngài ke kiok khî chhai phiàng-phiàng ke thi-fông; ngài oi chhai kûng-khiung ke chhi-fi chûng siung-chan Song-chú!

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan