Bìoball air-loidhne

Sṳ̂-phiên 25 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Khiù Chú Tai-liâng Pó-fu
Thai-ví ke sṳ̂.

¹ Song-chú â, ngài ke sîm ngióng-mong Ngì!

² Ngài ke Song-ti â, ngài yí-kho Ngì! Khiù Ngì mo̍k pûn ngài tù-tó kien-seu, mo̍k pûn sù-thi̍t yàng ngài lòi khoâ-khiéu.

³ Fàm ngióng-mong Ngì ke khok-sṳ̍t m̀-voi kien-seu; vù-yèn vù-ku phoi-ngia̍k Ngì ke voi sṳt-chhin mien-chṳ́.

⁴ Song-chú â, khiù Ngì chiông Ngì ke tho-lu chṳ́-sṳ ngài, chiông Ngì ke se-lu kau-sṳ ngài.

⁵ Khiù Ngì yung Ngì ke chṳ̂n-tho tai-liâng ngài, kau-sṳ ngài, yîn-vi Ngì he chṳ́n-kiu ngài ke Song-ti; ngài ngit-ya só ngióng-mong ke chhiu-he Ngì.

⁶ Song-chú â, mo̍k m̀ ki-tet Ngì ke thung-siak lâu put-pien ke chhṳ̀-oi, yîn-vi ke-têu he Ngì tui kú-chó yî-lòi chhiu yû ke.

⁷ Khiù Ngì mo̍k ki-tén ngài heu-sâng ke sṳ̀ só-fam ke chhui lâu ko-sṳt; Song-chú â, khiù Ngì yîn-vi Ngì ke ên-fi, yung Ngì ke chhṳ̀-oi ku-ngiam ngài!

⁸ Song-chú he chṳ-san ke, chui chṳn-chhṳ̍t ke, só-yî Kì chṳ́-sṳ chhui-ngìn yin-tông hàng ke lu.

⁹ Kì tai-liâng khiâm-pî ke ngìn hàng chṳn-lu, chiông Kì chhṳ-kâ ke chṳ́-yi kâu kì-têu.

¹⁰ Só-yû chûn-sú Kì ke yok lâu fap-lin ke, Song-chú yung chhṳ̀-oi lâu sin-sṳ̍t tai-liâng kì-têu.

¹¹ Song-chú â, sûi-yèn ngài ke chhui-ok fî-sòng thai, chúng-he, yîn-vi Ngì ke miàng, khiù Ngì sa-miên ngài.

¹² Má-ngìn kin-vi Song-chú, Song-chú chhiu chṳ́-sṳ kì yin-tông tho̍k ke lu.

¹³ Kì yit-sên-ngìn voi hióng-su fuk-hi; kì ke chṳ́-sûn voi sṳ̀n-chiap kì ke thú-thi.

¹⁴ Song-chú thùng kin-vi Kì ke ngìn chhîn-me̍t kâu-thûng; Kì pûn kì-têu ngin-sṳt Kì ke yok.

¹⁵ Ngài ke muk-chû yit-chhṳ̍t ngióng-mong Song-chú; chṳ́-yû Kì nèn kiu ngài thot-lì lò-mióng.

¹⁶ Song-chú â, chón-sṳ̂n lòi lìn-mén ngài, yîn-vi ngài yu kû-tân yu khun-khú.

¹⁷ Ngài sîm-chûng ke yù-sèu kín-lòi kín-tô; khiù Ngì kiu ngài thot-lì liá-têu fam-nan.

¹⁸ Khiù Ngì khon-ku ngài ke kiên-nàn thung-khú; khiù Ngì sa-miên ngài yit-chhiet ke chhui-ko.

¹⁹ Ngì khon, ngài ke sù-thi̍t yû án-tô! Ngì khon, kì-têu yen-hen ngài án-chhṳ̂m!

²⁰ Khiù Ngì pó-fu ngài ke sin-miang, khiù Ngì chṳ́n-kiu ngài; khiù Ngì mo̍k pûn ngài kien-seu, yîn-vi ngài yí-kho Ngì.

²¹ Ngien sṳ̀n-sṳ̍t lâu chṳn-chhṳ̍t cho ngài ke pó-fu, yîn-vi ngài ngióng-mong Ngì!

²² Song-ti â, khiù Ngì kiu-su̍k Yî-set-lie̍t, sṳ́ kì-têu thot-lì yit-chhiet ke fam-nan!

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan