Bìoball air-loidhne

Sṳ̂-phiên 24 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Yùng-kông ke Kiûn-vòng
Thai-ví ke sṳ̂.

¹ Sṳ-kie lâu khì-chûng ke yit-chhiet, chhiòn-phu he Song-chú ke; thai-thi lâu thi-song ke van-vu̍t, ya he Kì ke.

² Kì chiông thai-thi kien-li̍p chhai chhṳ̂m-hói ke táng-kô, chiông thi ke kîn-kî ôn chhai chhṳ̂m-súi ke tî-poi.

³ Má-ngìn cho-tet sông-hi Song-chú ke sân? Má-ngìn cho-tet chin-ngi̍p Kì ke sṳn-thien?

⁴ Chhiu-he sûng-sú chhîn-kiet, sîm-kôn chhiang-li, mò pai ngiéu-siong, fat-sṳ mò cho-ká ke ngìn.

⁵ Liá-chúng ngìn, Song-chú oi su-fuk pûn kì; chṳ́n-kiu kì ke Song-ti oi phan kì mò-chhui.

⁶ Liá-têu ngìn oi lòi chhèu-kien Song-chú, lòi-to Ngâ-kok ke Song-ti mien-chhièn.

⁷ Sàng-mùn â, tá khôi-lòi! Yún-kiú ke mùn â, tá khôi-lòi! Yùng-kông ke kiûn-vòng oi ngi̍p-lòi!

⁸ Liá yùng-kông ke kiûn-vòng he má-ngìn? Kì chhiu-he kiên-khiòng yû thai nèn-li̍t ke Song-chú, chhiu-he chhai chan-chhòng tak-pái tá-yàng ke Song-chú!

⁹ Sàng-mùn â, tá khôi-lòi! Yún-kiú ke mùn â, tá khôi-lòi! Yùng-kông ke kiûn-vòng oi ngi̍p-lòi!

¹⁰ Liá yùng-kông ke kiûn-vòng he má-ngìn? Song-chú — Van-kiûn ke Ngièn-soi, Kì chhiu-he yùng-kông ke kiûn-vòng!

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan