Bìoball air-loidhne

Sṳ̂-phiên 22 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Khú-nan chûng Khiù-ham lâu Kám-ên ke Sṳ̂-kô
Thai-ví ke sṳ̂, kâu-pûn Sṳn-kô Chhui-chóng, thiau yung Chêu-sṳ̀n Lu̍k.

¹ Ngài ke Song-ti! Ngài ke Song-ti! Ngì cho-má-ke piong-thet ngài? Cho-má-ke lì-khôi án-yén, mò kiu ngài, mò thâng ngài ke chhên-sâng?

² Ngài ke Song-ti â, ngài ngit-sṳ̀-thèu khiù-ham, Ngì m̀ en; ngài am-pû-sṳ̀ kín khiù, ya tet m̀-tó ôn-sit.

³ Chúng-he, Ngì he Chṳ-sṳn ke, he chhô pó-chho ke; Yî-set-lie̍t-ngìn siung-chan ke chhiu-he Ngì.

⁴ Ngì chhiu-he ngài-têu chú-siên só sin-kho ke; kì-têu sin-kho Ngì, Ngì chhiu chṳ́n-kiu kì-têu.

⁵ Kì-têu khiù-ham Ngì, chhiu tet-tó chṳ́n-kiu; kì-têu sin-kho Ngì, chhiùng-lòi mò sṳt-mong.

⁶ Chúng-he, ngài chhiong chhùng, mò chhiong ngìn, pûn-ngìn vú-yu̍k méu-sṳ.

⁷ Khon-tó ngài ke ngìn chhiòn-phu sâu-nat ngài; kì-têu seu-to choi yê-yê, yèu-thèu kóng:

⁸ “Kì yí-kho Song-chú, khon Song-chú ngióng-pân chṳ́n-kiu kì! Song-chú ki-yèn kak-yi kì, khon Kì ngióng-pân kiu kì!”

⁹ Song-chú â, he Ngì pûn ngài phìn-ôn chhut mû-thôi ke â; hàn chhai â-mê ke fài-chûng, Ngì chhiu cho ngài ke yí-kho.

¹⁰ Ngài yit chhut-se, chhiu kâu chhai Ngì ke sú-chûng; lì-khôi mû-thôi, Ngì chhiu-he ngài ke Song-ti.

¹¹ Khiù Ngì m̀-hó lì-khôi ngài án-yén! Châi-nan lòi-to, mò-ngìn pông-chhu ngài.

¹² Chhin-tô thi̍t-ngìn chhiong ngiù pâu-vì ngài, chhiong Pâ-sân thai-li̍t ke ngiù-kú vì-khun ngài.

¹³ Kì-têu chhiong ho-ho-kún ke sṳ̂-é, choi pak-to thai-thai sióng-oi thûn-me̍t.

¹⁴ Ngài chhiong súi phat chhai nài-hâ, ngiôn chì-chì; ngài ke kut-thèu chhiong-he lut-vón yit-yong; sîm-kôn chhiong la̍p, chhai tú-sṳ́-nui yùng-thet.

¹⁵ Ngài ke chîn-li̍t chhiong nài-kon châu-thet; sa̍t-mà ngiàm chhai song-ngông. Ngì yù-chhai ngài vang chhai nài-hâ tén-sí.

¹⁶ Fái-ngìn chheu-tén lòi vì-khun ngài, chhiong tiên-kiéu kûi-khiùn vì-tén ngài; kì-têu chiông ngài ke sú-kiok chhá-lie̍t;

¹⁷ ngài son tet-tó chhṳ-kâ ke kut-thèu. Sù-thi̍t muk chṳm-chṳm khon ngài;

¹⁸ kì-têu pûn ngài ke ngoi-sâm, vi ngài ke nui-sâm chhû-chhiâm.

¹⁹ Song-chú â, khiù Ngì m̀-hó lì-khôi ngài án-yén! Ngài ke Kiu-chú â, khiù Ngì kiak-kiak lòi pông-chhu ngài!

²⁰ Khiù Ngì kiu ngài ke miang thot-lì tô-kiam; pûn ngài thot-lì ke-khiùn tiên-kiéu ke hot-chṳ.

²¹ Khiù Ngì kiu ngài thot-lì liá-têu sṳ̂-é ke choi; Ngì yí-kîn kiu ngài thot-lì yâ-ngiù ke kok!

²² Ngài oi tui ngài ke thùng-pâu chhòn-yòng Ngì ke miàng; ngài oi chhai kì-têu ke chhi-fi chûng chan-mî Ngì:

²³ Kin-vi Song-chú ke â, ngì-têu oi chan-mî Kì! Ngâ-kok ke heu-thoi â, ngì-têu oi yùng-kông Kì! Yî-set-lie̍t ngìn-mìn â, ngì-têu oi kin-vi Kì!

²⁴ Yîn-vi Kì mò méu-sṳ khiùng-khú-ngìn, mò m̀ ki-tet kì ke khun-khú; Kì mò êm-tén mien m̀-tap kì, fán-chón yin-tap kì ke khiù-ham.

²⁵ Ngài oi chhai chhiòn fi-chung mien-chhièn siung-chan Ngì ke chok-vì, chhai kin-vi Ngì ke ngìn mien-chhièn vàn ngài só-hí ke ngien.

²⁶ Ngien khiùng-khú ke ngìn yû-hó sṳ̍t-páu, chhìm-khiù Song-chú ke ngìn chan-mî Kì. Ngien ngì-têu yún-yén sîm chhùn hî-mong!

²⁷ Ngien thi-song ke van-mìn lûng-chúng ki-ngiam Song-chú, kûi-sun Kì; ngien van-pâng van-koet só-yû ke chûng-chhu̍k chhiòn-phu khúi-pai Kì.

²⁸ Yîn-vi vòng-khièn su̍k-yì Song-chú; Kì he van-koet ke thúng-chhṳ-chá.

²⁹ Thi-song só-yû fu-chiuk ke ngìn oi sṳ̍t-páu yu khúi-pai Kì; só-yû oi kûi-thú ke, chhiu-he sin-miang nàn-pó ke ngìn ya oi phu̍k-pai Kì.

³⁰ Sṳ-sṳ thoi-thoi ke ngìn oi sṳ-fung Kì, ya oi chiông Chú ke sṳ chhòn-pûn kì-têu ke heu-thoi.

³¹ Kì-têu oi ki-siu̍k chhòn-yòng Kì ke chṳ́n-kiu, pûn chṳ́-chṳ́ sûn-sûn chhiòn-phu thâng-tó Kì só hàng ke.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan