Sṳ̂-phiên 20 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Vi Sṳn-li Khì-tó
Thai-ví ke sṳ̂, kâu-pûn Sṳn-kô Chhui-chóng.

¹ Ngien Song-chú chhai ngì fam-nan ke-ngit en ngì! Ngien Ngâ-kok ke Song-ti pó-fu ngì!

² Ngien Kì tui Kì ke sṳn-só pông-chhu ngì! Ngien Kì tui Siak-ôn sân-táng fù-chhṳ̀ ngì!

³ Ngien Kì ki-ngiam ngì só-hien ke kiûng-vu̍t, chiap-na̍p ngì ke sêu-fa-chi.

⁴ Ngien Kì sṳ̀n-chhiòn ngì ke sîm-ngien, sṳ̀n-chhiu ngì yit-chhiet ke kie-va̍k.

⁵ Ngài-têu chhiu voi vi ngì ke sṳn-li fôn-fû, fung ngài-têu Song-ti ke miàng khià-hí tet-sṳn thai-khì. Ngien Song-chú sṳ̀n-chhiòn ngì yit-chhiet só khiù ke!

⁶ Liá-ha, ngài tî: Song-chú oi su sṳn-li pûn Kì sat-li̍p ke vòng; Kì oi tui Kì chṳ-sṳn ke thiên-táng tap-yin kì, yung Kì ke thai nèn-li̍t pûn kì tet-tó sṳn-li.

⁷ Yû-têu ngìn yí-kho chan-chhâ, yû-têu ngìn yí-kho mâ; chúng-he ngài-têu sin-kho Song-chú — ngài-têu ke Song-ti!

⁸ Kì-têu chhiòn-phu voi khúi hâ-lòi, phu̍k-to tap-tap; chúng-he ngài-têu voi hong hí-lòi, khî-to chhai-chhai!

⁹ Song-chú â, khiù Ngì pûn vòng tet-tó sṳn-li; ngài-têu khiù-ham ke sṳ̀, khiù Ngì en ngài-têu!

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan