Bìoball air-loidhne

Sṳ̂-phiên 2 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Song-ti Sién-li̍p ke Vòng

¹ Lie̍t-koet cho-má-ke nong-sióng fán-phan? Van-mìn cho-má-ke khûng-khûng kie-mèu?

² Sṳ-song ke vòng hong-hí-lòi chún-phi, chóng-khièn ke kôn thùng-sîm kie-mèu, sióng-oi kûng-kit Song-chú lâu Kì só sién-li̍p ke vòng.

³ Kì-têu kóng: “Ngài-têu lòi chhat-thôn kì-têu ke só-lien! Ngài-têu lòi thûi-fân kì-têu ke thúng-chhṳ!”

⁴ Ke chhô chhai thiên-táng pó-chho ke sa hó-seu; Song-chú seu kì-têu ke kie-mèu he nong-sióng.

⁵ Ke-sṳ̀, Kì fat-khién lòi kín-ko kì-têu, Kì ke thai fat-khién pûn kì-têu chhin chho̍k-kiâng.

⁶ Kì kóng: “Chhai Siak-ôn Ngài ke sṳn-sân táng, Ngài yí-kîn sat-li̍p su̍k Ngài ke kiûn-vòng.”

⁷ Ke kiûn-vòng kóng: “Ngài oi siên-pu Song-chú ke min-lin. Song-chú lâu ngài kóng: ‘Ngì he Ngài ke lai-é; kîm-pû-ngit khôi-sṳ́, Ngài cho ngì ke Â-pâ.

⁸ Ngì khiù, Ngài chhiu chiông lie̍t-koet su-pûn ngì cho liâng-thú, chiông chhiòn sṳ-kie kâu-pûn ngì cho thièn-sán.

⁹ Ngì oi yung thiet án-ngang ke sú-vón thúng-chhṳ kì-têu; ngì oi tá-lan kì-têu, chhiong tá-lan fì-è yit-yong.’ ”

¹⁰ Liá-ha, ngì-têu cho-vòng ke â, oi se-ngi ô! Chhai sṳ-kiên chóng-khièn ke â, oi thâng kín-ko!

¹¹ Oi yung kin-vi ke sîm fu̍k-sṳ Song-chú! Oi kiâng lu̍k-lu̍k-é, ya chhin fôn-hí!

¹² Oi fu̍k-sṳ Kì ke lai-é; na-he mò, Song-chú voi thai fat-khién, ngì-têu chhiu voi fut-yèn me̍t-mòng; yîn-vi Kì ke nu-hi voi chit-sṳ̀ lìm-to! Chúng-he, khiù Kì pó-yu ke ngìn chhiòn-phu yû fuk-hi!

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan