Sṳ̂-phiên 19 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Song-ti Chhóng-chho ke Yùng-kông
Thai-ví ke sṳ̂, kâu-pûn Sṳn-kô Chhui-chóng.

¹ Phû-thiên chhòn-yòng Song-ti ke yùng-kông; kiûng-chhông hién-mìn Kì sú só-cho ke.

² Ngit-ngit kóng-hí, ya-ya chhòn-yòng;

³ m̀-sṳ́ ngièn-ngî, m̀-sṳ́ yîm-hióng.

⁴ Kì-têu ke sin-sit chhòn-to ngìn-kiên; kì-têu ke fa-ngî chhòn-phien thiên-ha. Song-ti chhai thiên-táng vi-tó ngit-thèu tap chong-phùng;

⁵ ngit-thèu chhiong sîn-lòng fôn-fôn hí-hí chhut thung-fòng, yu he chhiong yúng-sṳ khoai-khoai lo̍k-lo̍k chéu-siông-kiuk.

⁶ Kì tui thiên ke liá-phién chhut-lòi, tîn-to thiên ke ke-phién hi; van-vu̍t chhiòn-phu tet-tó kì ke ngie̍t-hi.

Song-chú ke Kau-sṳ

⁷ Song-chú ke kau-sṳ vàn-chhiòn, voi sṳ́ ngìn ke sâng-miang von-sîn; Song-chú ke fap-lin sin-sṳ̍t, voi pûn tân-sùn-ngìn tet-tó chṳ-fi;

⁸ Song-chú ke kau-hiun kûng-chṳn, voi sṳ́ ngìn ke sîm yû khoai-lo̍k; Song-chú ke kie-min chhîn-mìn, voi pûn ngìn ke muk-chû kông-mìn.

⁹ Kin-vi Song-chú he sùn-kiet ke sṳ, yún-yén chhùn-liù; Song-chú ke fap-chet chṳn-chhṳ̍t, lûng-chúng kûng-tong.

¹⁰ Liá-têu pí kîm-é kha pó-kui, yàng-ko song-tén ke kîm-é; pí phûng-thòng kha-thiàm, yàng-ko chui sùn ke phûng-thòng.

¹¹ Liá-têu pûn Ngì ke phu̍k-ngìn mìn-pha̍k; séu-sîm chûn-sú, hó-chhu vù-han.

¹² Chúng-he má-ngìn voi khon-tó chhṳ-kâ ke m̀-chho̍k â? Khiù Ngì sa-miên ngài vù-yi-chûng só-fam ke ko-sṳt.

¹³ Khiù Ngì sṳ́ Ngì ke phu̍k-ngìn mo̍k ku-yi fam-chhui, mo̍k pûn chhui-ok khúng-chṳ ngài. Án-ngiòng, ngài chang voi cho yit-ke mò-hó hiàm ke ngìn, miên-tet fam phoi-ngia̍k ke thai-chhui.

¹⁴ Song-chú — ngài ke phàn-sa̍k, ngài ke kiu-su̍k-chá â, ngien ngài ke ngièn-hàng sṳ̂-sióng tet-tó Ngì ke kam-na̍p.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan