Bìoball air-loidhne

Sṳ̂-phiên 17 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Khì-khiù Thot-lì Ok-thi̍t
Thai-ví ke khì-tó.

¹ Song-chú â, khiù Ngì chhùi-thâng ngài yêu-khiù kûng-ngi ke fû-sâng! Khiù Ngì liù-sîm thâng ngài ke ôi-khiù; khiù Ngì thâng ngài sṳ̀n-sîm ke khì-tó!

² Ngien Ngì siên-phan ngài cho mò-chhui; ngien Ngì ke muk-chû khon-ku chṳn-chhṳ̍t.

³ Ngì sṳ-ngiam ngài ke nui-sîm, am-pû-sṳ̀ ya kam-chhat ngài; Ngì chhin chha̍t-tái kháu-ngiam ngài, chúng-he chhìm mò má-ke fái ngiam-thèu. Ngài sṳt li̍p-chṳ m̀ pûn choi fam-chhui;

⁴ ngài hàng-sṳ vì-ngìn cheu Ngì ke kau-hiun, yén-lì khiòng-phau-ngìn só-hàng ke tho-lu.

⁵ Ngài yit-chhṳ̍t hàng Ngì só chṳ́-thin ke tho-lu; ngài ke kiok-phu ya chhiùng-lòi m̀-sṳt chéu-chán.

⁶ Song-ti â, ngài khiù Ngì, yîn-vi Ngì voi en ngài; khiù Ngì ngí-kûng chet-chet, lòi-thâng ngài ke khì-tó.

⁷ Khiù Ngì hién-chhut khì-meu ke chhṳ̀-oi, chhûn Ngì ke yu-sú lòi chṳ́n-kiu ngài; khong chhai Ngì tî-poi phit-nan ke ngìn, chhiu nèn thot-lì sù-thi̍t ke kûng-kit.

⁸ Khiù Ngì pó-fu ngài, chhiong pó-fu muk-chû-yìn; chiông ngài khong chhai Ngì yi̍t-kap ke yîm-yáng hâ,

⁹ pûn ngài thot-lì ke-têu fái-ngìn ke kûng-kit. Sù-thi̍t vì-khun ngài, sióng-oi hoi-sí ngài;

¹⁰ kì-têu ke sîm chhin-ngang, mò lìn-mén; kì-têu kóng-fa kiêu-ngau.

¹¹ Mò-lun sám-hi nai-vi, kì-têu hàn-he vì-khun ngài; kì-têu muk chṳm-chṳm, sióng-oi chiông ngài súng-vang lo̍k-hi.

¹² Chhiong sṳ̂-é yit-yong, kì-têu sióng-oi chiông ngài chhá-lan, chhiong seu-chong sṳ̂-é, chhai am-am ke só-chhai mài-fu̍k.

¹³ Song-chú â, hong-hí-lòi, tông-mien chṳ-fu̍k kì-têu! Khiù Ngì yung Ngì ke kiam kiu ngài thot-lì fái-ngìn.

¹⁴ Khiù Ngì yung Ngì ke thai khièn-nèn lòi chṳ́n-kiu ngài, pûn ngài thot-lì ke-têu kîm-sên fu-chiuk ke ngìn. Khiù Ngì yung thai châi-nan lòi chit-fa̍t ke-têu ngìn; pûn kì-têu ke chṳ́-ńg khiung-yong su-chhin hìn-fa̍t, lièn kì-têu ke chṳ́-sûn ya sṳ̀n-tó ô-chô-châi.

¹⁵ Yîn-vi ngài chṳn-chhṳ̍t, ngài yit-thin voi yû-hó chhèu-kien Ngì ke mien; ngài yit soi-siáng, Ngì ke thùng-chhai chhiu voi sṳ́ ngài sîm-mân yi-chiuk.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan