Bìoball air-loidhne

Sṳ̂-phiên 149 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Siung-chan ke Sṳ̂-kô

¹ Hâ-li-lu-yá! Ngì-têu oi chhong yit-sú sîn-kô lòi chan-mî Song-chú, chhai Kì chûng-sîm chṳ́-mìn ke chhi-fi chûng chan-mî Kì!

² Yî-set-lie̍t â, oi yîn-vi ngì-têu ke chhóng-chho Chú fôn-hí! Siak-ôn ke chṳ́-ńg â, oi yîn-vi ngì-têu ke Vòng khoai-lo̍k!

³ Oi thiau-vú lòi chan-mî Kì ke miàng! Oi tá-kú thàn-khìm lòi kô-siung Kì!

⁴ Song-chú fî-sòng fôn-hí Kì ke chṳ́-mìn; Kì chṳ́n-kiu khiâm-pî ke ngìn, su kì sṳn-li.

⁵ Ngien Kì chûng-sîm ke chṳ́-mìn yîn-vi tet-sṳn khoai-lo̍k; ngien kì-têu theu-ya thai-sâng fôn-hí chhong-kô.

⁶ Ngien kì-têu thai-sâng fôn-fû siung-chan Song-ti, kì-têu ke sú khià-tén lióng-piên li ke kiam,

⁷ hó tui lie̍t-koet po yên-sù, hìn-fa̍t van-mìn,

⁸ chiông kì-têu ke vòng yung thiet-lien khún hí-lòi, yung thiet sú-khau só-tén kì-têu ke thai-sṳ̀n,

⁹ cheu Song-ti só-thin ke lòi hìn-fa̍t lie̍t-koet. Liá he cho Song-ti chûng-sîm chṳ́-mìn ke kông-yùng. Hâ-li-lu-yá!

Lean sinn:

Ceanglaichean taic

Sanasan