Bìoball air-loidhne

Sṳ̂-phiên 147 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Siung-chan Chhiòn-nèn ke Song-ti

¹ Hâ-li-lu-yá! Chhong-kô siung-chan ngài-têu ke Song-ti he ngióng-pân mî-san! Chan-mî Kì he chhin khoai-lo̍k, ya he chhin sṳt-tông ke sṳ!

² Chiông Yâ-lu-sat-lâng chhùng-sîn hí hí-lòi ke chhiu-he Song-chú; seu-si̍p liù-mòng ke Yî-set-lie̍t-ngìn chón-lòi ke ya he Kì.

³ Kì yî-hó sîm-kôn pho-sui ke ngìn, chiông kì-têu ke sông-héu pâu hí-lòi.

⁴ Kì chṳ-thin sên-sṳ̀n ke su-muk, vi kì-têu mî-yit-ke ôn-miàng.

⁵ Ngài-têu ke Chú chui-thai, mân-yû nèn-li̍t; Kì ke chṳ-fi mò-ngìn nèn chhûi-chhet.

⁶ Song-chú fù-chhṳ̀ pî-mì ke ngìn; Kì sṳ́ fái-ngìn vang-to tap-tap.

⁷ Oi yung kám-chhia ke sîm chhong-kô siung-chan Song-chú, thàn su-khìm cheu-ngo̍k kô-siung ngài-têu ke Song-ti.

⁸ Kì sṳ́ vû-yùn châ-thiên, lo̍k-yí chṳ̂-yun thai-thi, sṳ́ khiùn-sân sâng chhiâng-chhó.

⁹ Kì su sṳ̍t-vu̍t pûn chhu-lui, lâu kín-kieu ke se vû-â.

¹⁰ Kì mò chung-yi mâ-é ke li̍t thai, mò kak-yi ngìn ke kiok chhin voi chéu.

¹¹ Song-chú fôn-hí kin-vi Kì ke ngìn, hí-oi ngióng-mong Kì chhṳ̀-oi ke ngìn.

¹² Yâ-lu-sat-lâng â, oi siung-chan Song-chú! Siak-ôn â, oi chan-mî ngì ke Song-ti!

¹³ Kì sṳ́ ngì ke sàng-mùn kiên-ku; Kì su-fuk pûn ngì ke chṳ́-ńg.

¹⁴ Kì pó-sú ngì ke piên-kie phìn-chhin; Kì pûn ngì sṳ̍t song-tén ke ma̍k-é to páu-páu.

¹⁵ Kì hiong thai-thi fat-chhut min-lin; Kì ke fa ngiàm-sṳ̀ chhiu chhòn-phien.

¹⁶ Kì kong ke siet chhiong yòng-mô; Kì ve ke sông chhiong chhṳ̀n-fôi.

¹⁷ Kì sṳ́ pên-pho̍k chhiong sa̍k-é lo̍k-hâ; Kì chhôi hòn-fûng, má-ngìn khî tet-he̍t?

¹⁸ Kì yit min-lin, sông-siet pên-pho̍k chhiu yùng-thet; Kì yung fûng yit-chhôi, súi chhiu liù-thûng.

¹⁹ Kì chiông Kì ke fa khí-sṳ pûn Ngâ-kok, chiông Kì ke kûi-thin lâu fap-chet chhòn-pûn Yî-set-lie̍t.

²⁰ Kì mò án-ngiòng tui-thai phe̍t ke koet-kâ; kì-têu chhiòn mò liáu-kié Kì ke fap-chet. Hâ-li-lu-yá!

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan