Bìoball air-loidhne

Sṳ̂-phiên 145 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Siung-chan ke Sṳ̂-kô
Thai-ví ke chan-mî sṳ̂.

¹ Ngài ke Song-ti, ngài ke Vòng â, ngài oi chhòn-yòng Ngì ke ví-thai! Ngài oi siung-chan Ngì ke miàng, chhṳ̍t-to yún-yún yén-yén!

² Ngài oi tak-ngit siung-chan Ngì; ngài oi chan-mî Ngì ke miàng chhṳ̍t-to yún-yén!

³ Song-chú chṳ-thai, chui khâm-tet su chan-mî; Kì ke ví-thai, mò-ngìn chhet-liòng tet-chhut.

⁴ Sṳ-sṳ thoi-thoi oi siên-yòng Ngì ke chok-vì; kì-têu oi chhòn-kóng Ngì thai-nèn ke kûng-chok.

⁵ Kì-têu oi kóng-hí Ngì ke yùng-kông lâu chûn-ngiàm; ngài oi kín-ngiam Ngì khì-meu ke chok-vì.

⁶ Kì-têu oi kóng-lun Ngì tet-ngìn-kiâng ke chok-vì ngióng-pân yû nèn-li̍t; ngài oi siên-yòng Ngì ke ví-thai.

⁷ Kì-têu oi chhòn-yòng Ngì fûng-sṳn ke liòng-san, fôn-hí chhong-kô lòi siung-chan Ngì ke kûng-ngi.

⁸ Song-chú yû ên-tién lâu lìn-mén, mò sùi-phien fat-khién, mân-yû put-pien ke chhṳ̀-oi.

⁹ Song-chú ên-thai van-yû, lìn-mén Kì só-chho ke yit-chhiet.

¹⁰ Song-chú â, Ngì só chho ke yit-chhiet oi kám-chhia Ngì; Ngì chûng-sîm ke chṳ́-mìn oi siung-chan Ngì.

¹¹ Kì-têu oi kóng-hí Ngì vòng-khièn ke yùng-kông, thàm-lun Ngì ke thai-nèn;

¹² kì-têu oi pûn sṳ-kiên-ngìn tî Ngì thai-nèn ke chok-vì, ngin-sṳt Ngì koet-thu ke yùng-kông lâu chûn-ngiàm.

¹³ Ngì ke koet-thu yún-yén chhòng-chhùn; Ngì ke vòng-khièn chhṳ̍t-to van-thoi. Song-chú ke yin-hí chhiòn-phu sin-sṳ̍t khó-kho; Kì só-cho ke yit-chhiet hién-chhut Kì ke chhṳ̀-oi.

¹⁴ Voi tiet-tó ke, Song-chú fù-tén kì-têu; pûn-ngìn ap-chṳ ke, Kì fù-chhṳ̀ kì-têu.

¹⁵ Chung-sên ke muk-chû chhiòn-phu ngióng-mong Ngì; Ngì cheu sṳ̀-chiet su sṳ̍t-vu̍t pûn kì-têu.

¹⁶ Ngì ke sú yit-ha tá-khôi, chung-sên chhiu tet-tó páu-chiuk.

¹⁷ Song-chú só-hàng ke chok-vì chhiòn-phu he kûng-ngi; Kì só-cho ke yit-chhiet hién-chhut Kì ke chhṳ̀-oi.

¹⁸ Song-chú chhîn-khiun só-yû khiù-ham Kì ke ngìn, chhiu-he yit-chhiet sṳ̀n-sîm khiù-ham Kì ke ngìn.

¹⁹ Kì oi sṳ̀n-chhiòn kin-vi Kì ke ngìn ke sîm-ngien; Kì oi thâng kì-têu ke khiù-ham, chṳ́n-kiu kì-têu.

²⁰ Song-chú pó-fu yit-chhiet kin-oi Kì ke ngìn; chúng-he Kì oi sêu-me̍t só-yû sià-ok ke ngìn.

²¹ Ngài oi khôi-choi chan-mî Song-chú; ngien yit-chhiet su-chho ke siung-chan Kì ke sṳn-miàng, chhṳ̍t-to yún-yún yén-yén.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan