Bìoball air-loidhne

Sṳ̂-phiên 143 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Khiù Pông-chhu ke Khì-tó
Thai-ví ke sṳ̂.

¹ Song-chú â, khiù Ngì thâng ngài ke khì-tó! Khiù Ngì chet-ngí lòi thâng ngài ke khién-khiù! Khiù Ngì cheu Ngì ke sin-sṳ̍t lâu kûng-ngi lòi en ngài!

² Khiù Ngì m̀-hó sṳ́m-phan ngài — Ngì ke phu̍k-ngìn, yîn-vi chhai Ngì mien-chhièn mò yit-sà he ngi ke.

³ Ngài ke sù-thi̍t pet-hoi ngài, chiông ngài tá-vang to tap-tap. Kì chiông ngài koân chhai vû-am ke thi-fông, ngài chhiong-he yí-kîn sí chhin-kiú ke ngìn.

⁴ Só-yî ngài ke sîm-sṳ̀n pot-tok-ngok; ngài ke nui-sîm ya chho̍k-kiâng chhie̍t-mong.

⁵ Ngài fì-sióng siên-chhièn ke-têu ngit-è; ngài mén-sióng Ngì só-cho ke yit-chhiet, ngài kín-ngiam Ngì ke sú só-cho ke.

⁶ Ngài tui Ngì khià-sú khì-tó; ngài ke sîm tông hot-mu Ngì, chhiong hôn-thi kín-tén yí-súi.

⁷ Song-chú â, khiù Ngì kiak-kiak en ngài nâ! Ngài ke sîm-sṳ̀n tén-to voi fûn-thet lô! Khiù Ngì m̀-hó êm-mien m̀-tap ngài, miên-tet ngài chhiong ke-têu tén-sí ke ngìn.

⁸ Pûn ngài thiên yit-kông chhiu tet-tó Ngì ke chhṳ̀-oi, yîn-vi ngài só sin-kho ke chhiu-he Ngì. Khiù Ngì chṳ́-sṳ ngài yin-tông hàng ke lu, yîn-vi ngài ke sîm-sṳ̀n ngióng-mong Ngì.

⁹ Song-chú â, ngài chhìm-khiù Ngì ke pí-yu; khiù Ngì kiu ngài thot-lì ngài ke sù-thi̍t!

¹⁰ Ngì he ngài ke Song-ti; khiù Ngì kâu ngài chûn-hàng Ngì ke chṳ́-yi. Ngì ke Lìn he chṳ-san; khiù Ngì tai-liâng ngài hàng phiàng-chhṳ̍t ke lu.

¹¹ Song-chú â, vi-tó Ngì ke miàng, khiù Ngì chṳ́n-kiu ngài; khiù Ngì cheu Ngì ke kûng-ngi kiu ngài thot-lì fam-nan!

¹² Yîn-vi Ngì put-pien ke chhṳ̀-oi, khiù Ngì chién-chhù ngài ke sù-thi̍t, me̍t-chhin só-yû ap-pet ngài ke; yîn-vi ngài he Ngì ke phu̍k-ngìn.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan