Bìoball air-loidhne

Sṳ̂-phiên 141 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Am-pû-sṳ̀ ke Khì-tó
Thai-ví ke sṳ̂.

¹ Song-chú â, ngài khiù-ham Ngì; kiak-kiak lòi pông-chhu ngài! Ngài khiù-ham Ngì ke sṳ̀, khiù Ngì chet-ngí chhùi-thâng ngài ke sâng!

² Ngien ngài ke khì-tó chhiong sêu-hiông ke yên chhung-to Ngì mien-chhièn; ngien ngài khià-sú khì-tó, chhiong-he lìm-am-é hien ke chi.

³ Song-chú â, kón-chṳ ngài ke choi; khiù Ngì sú-tén ngài ke choi-khûng.

⁴ M̀-hó pûn ngài ke sîm vâi-chéu, mo̍k lâu chok-ok ke ngìn khiung-ha cho fái-sṳ; kim-chṳ́ ngài chhâm-kâ kì-têu ke yèn-si̍t.

⁵ Ngài kâm-ngien chiap-su ngi-ngìn oi-sîm ke chit-tá; chúng-he ngài m̀-hén chiap-su fái-ngìn ke chûn-kin, fán-chón sòng chhai khì-tó chûng fán-tui kì-têu ke fái hàng-vì.

⁶ Kì-têu ke liâng-chhiu pûn-ngìn phiâng-lo̍k sân-ngàm hâ ke sṳ̀, thai-kâ chhiu voi sṳ̀n-ngin ngài só-kóng ke fa he chṳ̂n-sṳ̍t.

⁷ Kì-têu ke kut-thèu voi pûn-ngìn fit chhai chhúng-pû sùn, chhiong-he chám-thôn pho-sui ke chhèu san-to mân-thi.

⁸ Chúng-he, Chṳ-kô ke Song-chú â, ngài ke muk-chû ngióng-mong Ngì; ngài chhìm-khiù Ngì ke pí-yu; khiù Ngì m̀-hó piong-thet ngài!

⁹ Khiù Ngì m̀-hó pûn ngài ham-ngi̍p kì-têu ke kî-koân; kiu ngài thot-lì ke-têu fái-ngìn só-yet ke ham-chiáng.

¹⁰ Ngien fái-ngìn ham-lo̍k chhṳ-kâ ke lò-mióng, ngài chhiu yû-hó phìn-phìn ôn-ôn kîn-ko.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan