Sṳ̂-phiên 140 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Khì-khiù Pó-fu
Thai-ví ke sṳ̂, kâu-pûn Sṳn-kô Chhui-chóng.

¹ Song-chú â, khiù Ngì kiu ngài thot-lì fái-ngìn; pó-sú ngài, mo̍k pûn hiûng-ok ke ngìn ham-hoi.

² Kì-têu yit-sîm thù-mèu fái-sṳ; kì-têu tak-ngit ngiâ-hí fûn-chên.

³ Kì-têu ke sa̍t-mà chhiong thu̍k-sà, mân-choi fan-sṳ̀-chhung ke thu̍k-hi.

⁴ Song-chú â, kiu ngài thot-lì fái-ngìn ke khièn-sṳ; pó-sú ngài, mo̍k pûn hiûng-ok ke ngìn ham-hoi; kì-têu thù-mèu oi hoi ngài tiet-tó.

⁵ Ke-têu kiêu-ngau ke ngìn sat kî-koân oi hoi ngài; kì-têu yung sok-è sat lau-é, kûi-lu chông lò-mióng oi chok ngài.

⁶ Ngài tui Song-chú kóng: “Ngì he ngài ke Song-ti!” Song-chú â, khiù Ngì chet-ngí thâng ngài khién-khiù ke sâng!

⁷ Chṳ-kô ke Song-chú, ngài thai-nèn ke Chṳ́n-kiu-chá â, tông siông-chhṳ̀ ke-ngit, Ngì yû pó-fu ngài ke thèu-nà.

⁸ Song-chú â, mo̍k pûn fái-ngìn ke sîm-ngien sṳ̍t-hien; khiù Ngì mo̍k pûn kì-têu ke yîm-mèu sṳ̀n-kûng, miên-tet kì-têu chhṳ-kô chhṳ-thai.

⁹ Khiù Ngì pûn vì-khun ngài ke ngìn thèu-hìn nó-pién, sṳ́ kì-têu ke chu-chú lìm-to chhṳ-kâ sṳ̂n-song.

¹⁰ Ngien chho̍k tông-mâng ke fó-than lo̍k chhai kì-têu sṳ̂n-song; ngien kì-têu ham-lo̍k chhṳ̂m-hâng, yún-yén pak m̀ hí-lòi.

¹¹ Ngien fí-pong ngìn ke chhai sṳ-kiên khî m̀-he̍t; ngien hiûng-ok ke ngìn pûn châi-nan tá vang-thet.

¹² Song-chú â, ngài tî Ngì oi vi ngio̍k-séu ke ngìn chú-chhṳ̀ kûng-tho; Ngì thin-chho̍k voi vi khiùng-khú-ngìn sṳ̂n-chông chṳn-ngi.

¹³ Ngi-ngìn yit-thin voi siung-chan Ngì ke miàng; chṳn-chhṳ̍t ke ngìn voi he̍t chhai Ngì mien-chhièn.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan