Sṳ̂-phiên 136 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Kám-ên ke Sṳ̂-kô

¹ Oi kám-chhia Song-chú, yîn-vi Kì he chṳ-san; Kì ke chhṳ̀-oi yún-yén chhòng-chhùn.

² Oi kám-chhia van-sṳ̀n ke Song-ti; Kì ke chhṳ̀-oi yún-yén chhòng-chhùn.

³ Oi kám-chhia van-chú ke Chú-chái; Kì ke chhṳ̀-oi yún-yén chhòng-chhùn.

⁴ Vì-yû Kì nèn hàng thai sṳ̀n-chiak; Kì ke chhṳ̀-oi yún-yén chhòng-chhùn.

⁵ Kì yung chhṳ-kâ ke chṳ-fi chhóng-chho chû-thiên; Kì ke chhṳ̀-oi yún-yén chhòng-chhùn.

⁶ Kì chhai chhṳ̂m-súi ke táng-kô phû-sat thai-thi; Kì ke chhṳ̀-oi yún-yén chhòng-chhùn.

⁷ Kì chhóng-chho ngit-thèu lâu ngie̍t-kông; Kì ke chhṳ̀-oi yún-yén chhòng-chhùn.

⁸ Kì chho ngit-thèu kón-lî ngit-sṳ̀-thèu; Kì ke chhṳ̀-oi yún-yén chhòng-chhùn.

⁹ Ngie̍t-kông lâu sên-sṳ̀n kón-lî am-pû-sṳ̀; Kì ke chhṳ̀-oi yún-yén chhòng-chhùn.

¹⁰ Kì chhṳ̀-sí Âi-khi̍p só-yû thèu-thôi ke; Kì ke chhṳ̀-oi yún-yén chhòng-chhùn.

¹¹ Kì tai-liâng Yî-set-lie̍t-ngìn chhut Âi-khi̍p; Kì ke chhṳ̀-oi yún-yén chhòng-chhùn.

¹² Kì chhûn-chhut thai-nèn ke sú lâu sú-pí; Kì ke chhṳ̀-oi yún-yén chhòng-chhùn.

¹³ Kì fûn-khôi Fùng-hói ke súi; Kì ke chhṳ̀-oi yún-yén chhòng-chhùn.

¹⁴ Kì tai-liâng Yî-set-lie̍t-ngìn hàng ko-hi; Kì ke chhṳ̀-oi yún-yén chhòng-chhùn.

¹⁵ Kì chiông Âi-khi̍p-vòng lâu kì ke kiûn-chhui yim-sí chhai Fùng-hói; Kì ke chhṳ̀-oi yún-yén chhòng-chhùn.

¹⁶ Kì tai-liâng Kì ke chṳ́-mìn kîn-ko khóng-yâ; Kì ke chhṳ̀-oi yún-yén chhòng-chhùn.

¹⁷ Kì chhṳ̀-sí ke-têu yúng-chong ke vòng; Kì ke chhṳ̀-oi yún-yén chhòng-chhùn.

¹⁸ Kì chhṳ̀-sí ke-têu chhut-miàng ke vòng; Kì ke chhṳ̀-oi yún-yén chhòng-chhùn.

¹⁹ Kì chhṳ̀-sí Â-mô-li-vòng Sî-fèn; Kì ke chhṳ̀-oi yún-yén chhòng-chhùn.

²⁰ Kì chhṳ̀-sí Pâ-sân-vòng Ngo̍k; Kì ke chhṳ̀-oi yún-yén chhòng-chhùn.

²¹ Kì chiông kì-têu ke thú-thi su-pûn Kì ke chṳ́-mìn cho sán-ngia̍p; Kì ke chhṳ̀-oi yún-yén chhòng-chhùn.

²² Kì chiông kì-têu ke thú-thi su-pûn Kì ke phu̍k-ngìn Yî-set-lie̍t; Kì ke chhṳ̀-oi yún-yén chhòng-chhùn.

²³ Ngài-têu sṳt-phai ke sṳ̀, Kì mò piong-thet ngài-têu; Kì ke chhṳ̀-oi yún-yén chhòng-chhùn.

²⁴ Kì kiu ngài-têu thot-lì sù-thi̍t ke sú; Kì ke chhṳ̀-oi yún-yén chhòng-chhùn.

²⁵ Kì su sṳ̍t-vu̍t pûn ngìn lâu thung-vu̍t; Kì ke chhṳ̀-oi yún-yén chhòng-chhùn.

²⁶ Oi kám-chhia thiên-táng ke Song-ti; Kì ke chhṳ̀-oi yún-yén chhòng-chhùn.

Lean sinn:

Ceanglaichean taic

Sanasan