Bìoball air-loidhne

Sṳ̂-phiên 135 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Siung-chan ke Sṳ̂-kô

^1-2 Hâ-li-lu-yá! Oi chan-mî Song-chú ke miàng! Song-chú ke phu̍k-ngìn â, chhai Song-chú ke sṳn-thien tông-pân ke â, chhai ngài-têu Song-ti ke sṳn-thien ngoi-yen sṳ-fung ke ngìn â, ngì-têu oi chan-mî Kì!

³ Ngì-têu oi chan-mî Song-chú, yîn-vi Song-chú he chṳ-san; oi kô-siung Kì ke miàng, yîn-vi Kì he chhṳ̀-oi ke.

⁴ Song-chú vi chhṳ-kâ kién-sién Ngâ-kok, tho̍k Yî-set-lie̍t cho Kì pó-pi ke chṳ́-mìn.

⁵ Ngài tî Song-chú he chṳ-thai ke; ngài-têu ke Chú chhêu-ko van-sṳ̀n.

⁶ Chhai thiên, chhai thi, chhai thai-hói, chhai chhṳ̂m-yên, Song-chú cheu chhṳ-kâ ke chṳ́-yi hàng-sṳ.

⁷ Kì sṳ́ yùn-vu tui thi-khi̍t sṳ̂n-sông hi, sṳ́ ngiap-lang thùng phau-yí khiung-ha lòi, sṳ́ fûng tui Kì ke chhông-khu chhôi-chhut.

⁸ Kì chhai Âi-khi̍p chhṳ̀-sí só-yû thèu-thôi ke, mò-lun he ngìn, he thèu-sâng, chhiòn-phu chhṳ̀-thet.

⁹ Chhai ke-vi, Kì sṳ̂-hàng sṳ̀n-chiak khì-sṳ, chit-fa̍t Âi-khi̍p-vòng lâu kì ke phu-ha.

¹⁰ Kì sêu-me̍t chhin-tô koet, chhṳ̀-sí tông li-hoi ke vòng:

¹¹ Yû Â-mô-li-vòng Sî-fèn, Pâ-sân-vòng Ngo̍k, lâu só-yû Kâ-nàm ke vòng.

¹² Kì chiông kì-têu ke thú-thi su-pûn Kì chhṳ-kâ ke chṳ́-mìn, su-pûn Yî-set-lie̍t-ngìn cho sán-ngia̍p.

¹³ Song-chú â, Ngì ke miàng yún-yén chhòng-chhùn! Van-sṳ van-thoi lûng-chúng oi ki-ngiam Ngì!

¹⁴ Song-chú oi vi Kì ke chṳ́-mìn sṳ̂n-yên; Kì tui Kì ke phu̍k-ngìn chhṳ̀-pî mân-mân.

¹⁵ Lie̍t-koet ke ngiéu-siong he kîm-ngiùn cho ke, he ngìn ke sûng-sú chṳ-chho chhut-lòi ke.

¹⁶ Kì-têu yû choi, ya m̀-voi kóng-fa, yû muk-chû, ya m̀-voi khon,

¹⁷ yû ngí-kûng, ya m̀-voi thâng, yû phi-khûng, ya m̀-voi théu-hi.

¹⁸ Ngien yit-chhiet chṳ-chho lâu sin-kho ngiéu-siong ke ngìn, lûng-chúng thùng kì-têu só-cho ke ngiéu-siong khiung-yong.

¹⁹ Yî-set-lie̍t-ngìn â, ngì-têu oi siung-chan Song-chú! Â-lùn-kâ ke chung chi-sṳ̂ â, oi siung-chan Kì!

²⁰ Li-vi-ngìn â, ngì-têu oi siung-chan Song-chú! Kin-vi Song-chú ke ngìn â, oi siung-chan Kì!

²¹ Ngì-têu chhai Siak-ôn ke â, oi siung-chan Song-chú! Oi siung-chan he̍t chhai Yâ-lu-sat-lâng ke Song-chú! Hâ-li-lu-yá!

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan