Sṳ̂-phiên 122 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Siung-chan Yâ-lu-sat-lâng
Thai-ví sông-kîn ke sṳ̂.

¹ Yû-ngìn tui ngài kóng: “Ngài-têu lòi-hi Song-chú ke sṳn-thien!” Ke-sṳ̀, ngài sṳ̍t-chhai tông fôn-hí!

² Liá-ha, ngài-têu lòi-to liá-vi, sûng-kiok khî chhai Yâ-lu-sat-lâng ke sàng-mùn-nui.

³ Yâ-lu-sat-lâng yí-kîn hí-hó lé, he yit-chho lièn-kiet chṳ́n-chhè ke sàng.

⁴ Kok kî-chhu̍k, chhiu-he su̍k Song-chú ke kok kî-chhu̍k, lûng-chúng sông-hi, cheu Yî-set-lie̍t só liâng-su ke fap-lin siung-chan Song-chú ke miàng.

⁵ Liá-vi yû sat sṳ̂n-chông chṳn-ngi ke pó-chho, chhiu-he Thai-ví-kâ ke pó-chho.

⁶ Oi vi Yâ-lu-sat-lâng khiù fò-phìn, kóng: “Ngien oi-siak ngì ke ngìn lûng-chúng hîn-vong!

⁷ Ngien ngì ke sàng-tú yû fò-phìn! Ngien ngì ke kiûng-nui chhin hîn-vong!”

⁸ Vi-tó ngài ke chhîn-chhit phèn-yû, ngài oi tui Yâ-lu-sat-lâng kóng: “Ngien ngì phìn-ôn!”

⁹ Vi-tó Song-chú — ngài-têu Song-ti ke sṳn-thien, ngài oi vi ngì ke hen-fuk khì-tó!

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan