Sṳ̂-phiên 116 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Vi Chhut-sí Ngi̍p-sên lòi Siung-chan Song-ti

¹ Ngài kin-oi Song-chú, yîn-vi Kì thâng ngài ke sâng lâu ngài ke khién-khiù.

² Ngài tak-pái khiù-ham Kì, Kì chhiu chet-ngí thâng ngài.

³ Sí-mòng ke káu-sok chhàn-tén ngài; yîm-kiên ke thung-khú kiuk-tó ngài; ngài kiâng-to voi sí, fî-sòng yù-sèu.

⁴ Ngài chhiu khiù-ham Song-chú, kóng: “Song-chú â, khiù Ngì kiu ngài!”

⁵ Song-chú yû ên-fi, yu yû kûng-ngi; ngài-têu ke Song-ti mân-yû lìn-mén.

⁶ Song-chú pó-fu tân-sùn ke ngìn; ngài pî-mì ngiôn-ngio̍k, Kì chhiu kiu ngài.

⁷ Ngài ke sîm â, ngì oi ôn-chhin hâ-lòi, yîn-vi Song-chú yit-chhṳ̍t hó khoán-thai ngì.

⁸ Song-chú kiu ngài ke miang thot-lì sí-mòng; ngài ke muk-chû m̀-sṳ́ chai liù muk-chṳp, ngài ke kiok ya m̀-voi chai tá-thong-thiu.

⁹ Só-yî ngài oi chhai Song-chú mien-chhièn, chhai sâng-ngìn ke sṳ-kie lòi chhut-ngi̍p.

^10-11 Ngài kóng-ko: “Ngài fî-sòng khun-khú.” Chho̍k-kip ke sṳ̀, ngài kóng: “Mò khó-kho ke ngìn.” Chhiu-son án-ngiòng, ngài hàn-he pó-chhṳ̀ sin-sîm.

¹² Song-chú su-pûn ngài ke yit-chhiet thai-ên, ngài oi ngióng-pân po-tap nè?

¹³ Ngài oi khià-hí kiu-ên ke pî, lòi khiù-ham Song-chú ke sṳn-miàng.

¹⁴ Ngài oi chhai Kì chṳ́-mìn ke mien-chhièn, tui Song-chú vàn ngài só-hí ke ngien.

¹⁵ Song-chú chûng-sîm ke chṳ́-mìn ko-sṳ̂n, he Kì khon-cho khi̍t pó-kui ke sṳ.

¹⁶ Song-chú â, ngài he Ngì ke phu̍k-ngìn; ngài lâu ngâ-mê khiung-yong fu̍k-sṳ Ngì. Ngì yí-kîn kié-khôi ngài ke só-lien.

¹⁷ Song-chú â, ngài oi tui Ngì hien kám-chhia ke chi; ngài oi khiù-ham Ngì ke miàng.

^18-19 Ngài oi chhai Yâ-lu-sat-lâng, chhai sṳn-thien ke thìn-yen tú, chhai Song-chú chṳ́-mìn ke mien-chhièn, tui Kì vàn ngài só-hí ke ngien. Oi chan-mî Song-chú!

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan