Bìoball air-loidhne

Sṳ̂-phiên 115 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Thu̍k-yit Chṳ̂n-sṳ̍t ke Song-ti

¹ Song-chú â, yùng-kông m̀-hó kûi-pûn ngài-têu, m̀-hó kûi-pûn ngài-têu! Yùng-kông oi yîn-vi Ngì ke chhṳ̀-oi lâu sin-sṳ̍t kûi chhai Ngì ke miàng-hâ!

² Cho-má-ke pûn lie̍t-koet kín-mun ngài-têu: “Ngì-têu ke Song-ti chhai nai-vi nè?”

³ Ngài-têu ke Song-ti chhai thiên-táng; Kì cheu chhṳ-kâ ke chṳ́-yi hàng-sṳ.

⁴ Kì-têu ke ngiéu-siong he kîm-ngiùn cho ke, he ngìn ke sûng-sú chṳ-chho chhut-lòi ke.

⁵ Kì-têu yû choi, ya m̀-voi kóng-fa; sûi-yèn yû muk-chû, me m̀-voi khon;

⁶ yû ngí-kûng, ya m̀-voi thâng; yû phi-kûng, me m̀-voi phi;

⁷ yû sú, chúng-he m̀-voi miâ; yû kiok, ya he m̀-voi hàng; hèu-lièn, me m̀-voi chhut-sâng.

⁸ Ngien yit-chhiet chṳ-chho lâu sin-kho ngiéu-siong ke ngìn, lûng-chúng thùng kì-têu só-cho ke ngiéu-siong khiung-yong.

⁹ Yî-set-lie̍t-ngìn â, oi sin-kho Song-chú! Kì he ngì-têu ke pông-chhu lâu tún-phài.

¹⁰ Â-lùn-kâ ke chung chi-sṳ̂ â, oi sin-kho Song-chú! Kì he ngì-têu ke pông-chhu lâu tún-phài.

¹¹ Kin-vi Song-chú ke â, oi sin-kho Kì! Kì he ngì-têu ke pông-chhu lâu tún-phài.

¹² Song-chú yit-chhṳ̍t ku-ngiam ngài-têu; Kì hàn-oi su-fuk pûn ngài-têu; Kì oi su-fuk pûn Yî-set-lie̍t-kâ ke ngìn-mìn; Kì oi su-fuk pûn Â-lùn-kâ ke chung chi-sṳ̂.

¹³ Song-chú oi su-fuk pûn kin-vi Kì ke ngìn, mò-lun thi-vi kô-tâi lûng-chúng yû-fun.

¹⁴ Ngien Song-chú kâ-thiâm chṳ́-ńg pûn ngì-têu, pûn ngì-têu ke chṳ́-sûn ye̍t-lòi ye̍t-tô.

¹⁵ Ngien Song-chú su-fuk pûn ngì-têu; Kì he chhóng-chho thiên-thi ke Chú!

¹⁶ Thiên, chhiu-he Song-chú ke thiên; thi, Kì chhiu su-pûn ngìn-lui.

¹⁷ Sí-ngìn m̀-voi chan-mî Song-chú; lo̍k yîm-fú ke ya he khiung-yong.

¹⁸ Chúng-he, ngài-têu sâng-sâng ke ngìn oi siung-chan Song-chú, tui liá-ha chhṳ̍t-to yún-yún yén-yén! Hâ-li-lu-yá!

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan