Bìoball air-loidhne

Sṳ̂-phiên 112 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Ngi-ngìn ke Fuk-lo̍k

¹ Oi chan-mî Song-chú! Kin-vi Song-chú, chhin fôn-hí chûn-hàng Kì kie-min ke, liá-chúng ngìn sṳ̍t-chhai yû fuk-hi ô!

² Kì ke chṳ́-sûn chhai thi-song voi chhin khiòng-sṳn; ngi-ngìn ke heu-thoi yit-thin voi su chuk-fuk.

³ Kì ke kâ-chhu̍k voi hîn-vong fu-chiuk; kì ke san-hàng voi yún-yén chhòng-chhùn.

⁴ Kì chhiong kông, vi-tó ngi-ngìn cheu chhai vû-am chûng; kì mân-yû ên-fi, lìn-mén lâu kûng-ngi.

⁵ Tui-ngìn thai-fông, hén chia-pûn ngìn, kîn-yìn sṳ-ngia̍p fî-sòng kûng-phìn, liá-chúng ngìn sṳ̍t-chhai yû fuk-hi!

⁶ Kì tit-khok yún-yén m̀-voi sṳt-phai; ngi-ngìn voi yún-yén tet-tó ki-ngiam.

⁷ Kì m̀-voi pûn fái sêu-sit kiâng-tó; kì ke sîm kiên-thin, sin-kho Song-chú.

⁸ Kì ke sîm chhai-chhai, chhiòn-mò kiâng má-ke; chui-mî, kì voi khon-tó thi̍t-ngìn sṳt-phai.

⁹ Kì không-khói kiu-chi khiùng-khú-ngìn, kì ke yìn-ngi yún-yén chhòng-chhùn; kì voi khiòng-sṳn, su-ngìn kin-chhung.

¹⁰ Fái-ngìn khon-tó án-ngiòng chhiu chhin-khién; kì-têu ngâu-ngà chhiet-chhṳ́ at-to voi sí; kì-têu ke hî-mong vàn-chhiòn lo̍k-khûng.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan