Bìoball air-loidhne

Sṳ̂-phiên 101 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Vòng ke Yin-hí
Thai-ví ke sṳ̂.

¹ Ngài oi kô-siung Ngì ke chhṳ̀-oi lâu kûng-ngi; Song-chú â, ngài oi chhong-kô lòi siung-chan Ngì!

² Ngài oi se-ngi hàng ngìn-sên vàn-chhiòn ke lu. Ngì oi to kí-sṳ̀ chang lòi ngài liá-vi nè? Ngài chhai vòng-kiûng tî-poi oi ko sùn-kiet ke sên-fa̍t;

³ ngài chhie̍t-tui m̀ pûn sià-ok fat-sên chhai ngài ngién-chhièn. Ngài chhin-nâu phoi-ngia̍k Song-ti ke ngìn só-cho ke; ngài chhie̍t-tui m̀ pûn kì-têu ke hàng-vì chhe-tó.

⁴ Ngài m̀ pûn ngài ke sîm-kôn vâi-chéu; ngài chhie̍t-tui m̀-tap sià-ok ke sṳ.

⁵ Ngài oi sêu-me̍t am-chûng fí-pong phèn-yû ke ngìn; ngài put-chún yû má-ngìn kiêu-ngau, chhṳ-kô chhṳ-thai.

⁶ Ngài oi khon-ku tui Song-ti chûng-sîm ke ngìn, ngài oi pûn kì-têu he̍t chhai ngài ke vòng-kiûng; hàng-vì vàn-chhiòn ke chang cho-tet fu̍k-sṳ ngài.

⁷ Kúi-cha ke ngìn cho-m̀-tet he̍t chhai ngài ke vòng-kiûng; ká-hó ke ngìn cho-m̀-tet khî chhai ngài ke mien-chhièn.

⁸ Ngài tak-ngit thiên yit kông oi sêu-me̍t koet-nui só-yû ke fái-ngìn; ngài oi chiông yit-chhiet chok-ok ke ngìn tui Song-chú ke sàng chién-chhù.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan