Bìoball air-loidhne

Sṳ̂-phiên 10 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Khién-khiù Kûng-ngi

¹ Song-chú â, Ngì cho-má-ke khî-to án-yén nè? Chhai fam-nan ke sṳ̀, Ngì cho-má-ke m̀ chhut-mien?

² Fái-ngìn yîn-vi kiêu-ngau pet khiùng-khú-ngìn to mò-lu hó-chéu; ngien kì-têu ham-lo̍k chhai chhṳ-kâ só-sat ke lò-mióng tî-poi.

³ Fái-ngìn khoâ-khiéu chhṳ-kâ sià-ok ke yu̍k-mong; thâm-sîm ke ngìn khî-chhie̍t pin méu-sṳ Song-chú.

⁴ Fái-ngìn chiông kì ke mien ngau-to kô-kô, kóng: “Song-chú m̀-voi chhìm ngài son-sṳ, sṳ-sṳ̍t-song me-mò Song-ti â!” Kì sîm-chûng só-sióng ke chhiu-he án-ngiòng.

⁵ Fái-ngìn ke hàng-sṳ sòng-sòng sun-li. Kì mò liáu-kié Song-ti ke sṳ́m-phan; kì sâu-nat kì só-yû ke tui-thi̍t.

⁶ Kì sîm-kôn sióng: “Ngài yún-yén m̀-voi sṳt-phai; ngài sṳ-sṳ thoi-thoi m̀-voi tù-tó châi-nan.”

⁷ Kì mân-choi chu-ma, kúi-cha, hot-hot tot-tot, sa̍t-mà hau-kóng yen-hen lâu sià-ok ke fa.

⁸ Kì mài-fu̍k chhai chhûn-chông ke tî-poi; kì tén kî-fi sat-hoi mò-chhui ke ngìn. Kì ke muk-chû thêu-khon mò yí-kho ke ngìn,

⁹ kì chhiong sṳ̂-é mài-fu̍k chhai chhó-teu tú; kì tén kî-fi oi chok khiùng-khú-ngìn, mióng-tó yî-heu chhiu chiông kì chok-hi.

¹⁰ Khiùng-khú-ngìn chhai kì ke ap-pet chṳ̂-ha, chṳ́-yû tâi-thèu hòng-fu̍k kì ke phau-li̍t.

¹¹ Fái-ngìn sîm-kôn sióng: “Song-ti m̀ ki-tet lé; Kì êm-tén muk-chû, yún-yén khon m̀-tó ngài!”

¹² Song-chú â, khiù Ngì hong-hí-lòi! Song-ti â, hó chhut-sú lé! Mo̍k m̀ ki-tet su-khú ke ngìn!

¹³ Fái-ngìn cho-má-ke kám méu-sṳ Song-ti, sîm-kôn kóng: “Kì m̀-voi chhìm ngài son-sṳ”?

¹⁴ Khì-sṳ̍t, yit-chhiet chhai Ngì ke kam-chhat chûng; Ngì chhut-sú koân-sîm khú-nan lâu yù-sèu. Khiùng-khú mò yí-kho ke ngìn thèu-kho Ngì; Ngì yit-chhṳ̍t chhiu-he pông-chhu kû-yì ke.

¹⁵ Khiù Ngì sêu-me̍t ok-ngìn lâu fái-ngìn ke sṳ-li̍t; khiù Ngì chit-fa̍t kì-têu ke chhui, chha̍t-tái son-sṳ.

¹⁶ Song-chú yún-yún yén-yén cho Vòng chóng-khièn; ngoi-pâng voi tui Kì ke thú-thi sêu-me̍t.

¹⁷ Song-chú â, Ngì yí-kîn thâng-tó khiùng-khú-ngìn ke sîm-ngien; Ngì voi kâ-thiâm kì-têu ke yúng-hi, thâng kì-têu khì-tó.

¹⁸ Ngì voi thoi kû-yì lâu su ap-pet ke sṳ̂n-yên, pûn sṳ-kiên-ngìn m̀-voi chai-ko khiúng-hak phe̍t-ngìn.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan