Bìoball air-loidhne

Ngâ-kô 8 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

¹ Ngien ngì chhiong ngâ chhîn hiûng-thi, sṳ̍t-ko ngâ-mê ke nen; án-ngiòng, ngài chhai kiê-hong tù-tó ngì ke sṳ̀, lâu ngì chîm-choi, chhiu mò-ngìn voi khon-khiâng ngài.

² Ngài oi thu ngì ngi̍p ngâ-mê ke vuk-hâ, pûn ngì lòi kâu ngài oi ngióng-pân siak ngì. Ngài oi pûn ngì lîm ngài sa̍k-liù cho ke chiú, liá-ke chiú he yû chhâm hiông-liau hi cho ke.

³ Kì yung chó-sú thok-tén ngài ke thèu-nà, yung yu-sú nám-tén ngài.

⁴ Yâ-lu-sat-lâng ke se-moi-é â, chhiáng tap-yin ngài, mo̍k chhàu ngài-têu, m̀-hó met-sa ngài-têu, pûn ngài-têu ke oi-chhìn chhṳ-yù fat-chán.

Thi-liuk Sú (Yâ-lu-sat-lâng ke se-moi-é)

⁵ Ke pen-tén kì ke chhìn-lòng, tui khóng-yâ sông-lòi ke ngìn he má-ngìn nè? Chhai phìn-kó-su hâ, ngài chiông ngì ham-siáng. Chhai ke-vi, ngiâ-mê chiông ngì kiung chhut-lòi, ngiâ-mê vi-tó kiung ngì ngiûn-su thung-khú.

(Sîn-ngiòng)

⁶ Khiù ngì chiông ngài chhiong yin-é koa chhai ngiâ hiûng-chhièn, chhiong kim-chṳ́ yin-é tai chhai ngiâ sú-chṳ́ hong. Oi-chhìn chhiu-chhiong sí án kiên-khiòng; lien-chhìn chhiong yîm-kiên án kiên-ku. Kì só pau chhut-lòi ke fó-fâ, chhiu-chhiong lie̍t-fó án-ngiòng chhin-sêu.

⁷ Súi phat m̀-vû ke oi-chhìn, thai-súi ya mò-fap chim-thet. Na yung chhiòn-phu kâ-sán von oi-chhìn, liá ngìn yit-thin voi pûn-ngìn méu-sṳ.

(Sîn-ngiòng ke hiûng-thi)

⁸ Ngài-têu vuk-hâ yû ke ló-moi, kì ke nen-kû hàn-màng fat-yuk. Heu-sâng ngìn lòi thì-chhîn ke-ngit, ngài-têu oi ngióng-pân chang-hó nè?

⁹ Kì na-he vì-chhiòng, ngài-têu oi chhai vì-chhiòng táng hí ngiùn-thap; kì na-he yit-san mùn, ngài-têu oi yung hiông-pak su-piông lòi vì-tén kì.

(Sîn-ngiòng)

¹⁰ Ngài chhiu-he vì-chhiòng, ngài ke nen-kû chhiong táng-kô ke kô-thap. Ngài ke chhìn-lòng tî, ngài voi tai-lòi mî-mân hen-fuk.

(Sîn-lòng)

¹¹ Só-lò-mùn chhai Pâ-li̍t-Ha̍p-mùn yû yit-te phù-thò-yèn, kì chiông liá phù-thò-yèn chû-pûn kâng-chung ngìn; ke-têu ngìn tak-sà oi na̍p yit-chhiên chak ngiùn-pi.

¹² Só-lò-mùn nâ, yit-chhiên chak ngiùn-pi kûi-pûn ngì, lióng-pak chak ngiùn-pi kûi-pûn kâng-chung ke ngìn; chúng-he ngài tet-tó ngài chhṳ-kâ ke phù-thò-yèn!

¹³ Ngài ke chhìn-moi, ngì he̍t chhai yèn-chûng, phèn-yû chhiòn-phu thâng ngì kóng-fa, khiù ngì sṳ́ ngài ya thâng tet-tó ngì ke sâng.

(Sîn-ngiòng)

¹⁴ Ngài ke chhìn-lòng, kiak-kiak lòi â, chhiong yit-chak lìn-yòng, chhiong yit-chak se lu̍k-é, chhai hiông-chhó sân-táng.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan