Bìoball air-loidhne

Ngâ-kô 7 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

(Sîn-lòng)

¹ Chhiong kûng-chú án kô-kui ke se-moi-é â, ngì chok liòng-hài ke kiok sṳ̍t-chhai fî-sòng chiâng! Ngì yèn-va̍t ke kiok-pí chhiong pó-pi ke ngiu̍k-sa̍k, chhie̍t-tui he ngi-su̍t-kâ khiet-chhut ke chok-phín!

² Ngì ke tú-chhì tông-chhiong yèn chiú-pî, tî-poi chông-tén mân-mân ke hó-chiú. Ngì ke yêu-sṳ̂n chhiong yit-tôi ma̍k-é, si chû-vì yû pak-ha̍p-fâ khiên-tén.

³ Ngì ke nen-kû chhiong yit-tui se lu̍k-é, ya chhiong sûng-sâng ke lìn-yòng.

⁴ Ngì ke kiáng-kîn chhiong siong-ngà thap; ngì ke muk-chû chhiong Hî-sṳ̍t-pún-sàng, Pâ-thi̍t-Lâ-pin mùn-sùn ke súi-chhṳ̀. Ngì ke phi-kûng chhiong tui-tén Thai-mâ-sṳ-kiet-sàng ke Lì-pâ-nun-thap.

⁵ Ngì ke thèu-nà chhai ngì sṳ̂n-song chhiong Kâ-me̍t-sân; ngì ke thèu-nà-mô vû-kîm vû-kîm, kiûn-vòng ke sîm yí-kîn pûn kì mì-tó lé.

⁶ Ngì sṳ̍t-chhai chhin-chiâng, sṳ̍t-chhai tet-ngìn-siak! Chhîn-oi ke â, ngì pûn ngài fôn-hí khoai-lo̍k!

⁷ Ngì ke sṳ̂n-chhòi chhiong chûng-su án-chhṳ̍t; ngì ke nen-kû chhiong su-táng kûi-phá ke kó-chṳ́.

⁸ Ngài oi phà-sông chûng-su táng hi chak kó-chṳ́. Ngài khon ngì ke nen-kû chhiong lióng-chhon phù-thò; ngì théu chhut-lòi ke hi chhiong phìn-kó án-hiông;

⁹ lâu ngì chîm-choi chhiu-chhiong lîm song-hó ke chiú. Pûn hó-chiú liù-ngi̍p ngài chhìn-lòng ke choi-tú, liù chhai kì ke choi-sùn lâu ngà-chhṳ́ chṳ̂-kiên.

(Sîn-ngiòng)

¹⁰ Ngài su̍k ngài ke chhìn-lòng; ngâ chhìn-lòng lien-mu ngài.

¹¹ Chhìn-lòng â, ngài-têu lòi-hi yâ-ngoi, khiung-ha chhai hiông-ha ke-vi ko-ya.

¹² Ngài-têu oi tá-chó hong-hí-lòi, hi phù-thò-yèn, khon phù-thò chhan-sún, khôi-fâ màng, khon sa̍k-liù fâ-khôi màng; chhai ke-vi, ngài oi chiông ngài ke oi-chhìn hien-pûn ngì.

¹³ Ngì voi phi-tó chhûi-chhìn-kó ke hiông-mi; tak-yong song-hó ke kó-chṳ́ tôi chhai ngài-têu ke mùn-héu. Ngài ke chhìn-lòng, mò-lun sîn ke khiu ke, ngài chhiòn-phu vi ngì liù-tén!

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan