Bìoball air-loidhne

Ngâ-kô 6 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

(Yâ-lu-sat-lâng ke se-moi-é)

¹ Se-moi-é tông-chûng chui-chiâng ke, ngì ke chhìn-lòng chéu nai-vi hi? Ngì ke chhìn-lòng tui nai-thiàu lu hi, ngài-têu hó lâu ngì khiung-ha hi chhìm kì.

(Sîn-ngiòng)

² Ngài ke chhìn-lòng hi chhṳ-kâ ke yèn-tú, fâ-yèn tông khôi-tén hiông-fâ. Kì chhai yèn-tú chóng yòng-è, chak pak-ha̍p-fâ.

³ Ngài su̍k ngài ke chhìn-lòng, ngâ chhìn-lòng ya su̍k ngài; kì chhai pak-ha̍p-fâ tông-chûng chóng yòng-è.

Thi-ńg Sú (Sîn-lòng)

⁴ Ngài ke chhìn-moi, ngì chhiong Tet-sat án-chiâng! Ya chhiong Yâ-lu-sat-lâng án tet-ngìn-siak! Chhiong khià thai-khì ke kiûn-chhui án vî-fûng!

⁵ Ngì ke muk-chû mo̍k án-ngiòng kín khon ngài, yîn-vi voi hoi ngài sîm-kôn lon chhau-chhau. Ngì ke thèu-nà-mô chhiong yit-khiùn vû sân-yòng, tui Kî-lie̍t sân-táng kín hàng-tén hâ-lòi ke yong.

⁶ Ngì ke ngà-chhṳ́ chhiong chang chién-ko mô ke yòng, chhiòn-phu sé-to pha̍k-chhiang pha̍k-chhiang sông-lòi; kì-têu sûng-sûng tui-tui phài-tén, yit-kî ngà-chhṳ́ tû mò khiet-thet.

⁷ Ngì lióng-phién ke mien-kap-lón chhai mien-sâ heu-poi, fùng-yun to chhiong fûn-cho lióng-sak ke sa̍k-liù.

⁸ Kiûn-vòng yû vòng-heu liuk-sṳ̍p ke, pîn-fî pat-sṳ̍p ke, hàn-yû vù-su ke kiûng-ńg.

⁹ Chúng-he ngài chṳ́-yû oi ngài chhìn-moi yit-sà; kì chhiong ngie̍t-kap-è án tet-ngìn-siak. Kì he kiâ-mê thu̍k-yit ke pó-pi, kiâ-mê chui-siak ke. Ke-têu se-moi-é khon-tó kì chhiòn-phu kóng kì tông-yû fuk-hi; ke-têu vòng-heu lâu pîn-fî ya lûng-chúng chan-mî kì.

¹⁰ Ke chhut-hien chhiu-chhiong chêu-sṳ̀n-thèu ke kông he má-ngìn nè? Chhiong ngie̍t-kông án-chiâng! Chhiong ngit-thèu án-kông! Chhiong khià thai-khì ke kiûn-chhui án vî-fûng!

¹¹ Ngài hâ-hi to hen-su yèn, oi sùn sân-lak tú ke su-yông, khon phù-thò-su chhan-sún màng, khon sa̍k-liù-su khôi-fâ màng.

¹² M̀-tô tî é, ngài sîm só-sióng ke sṳ́ ngài chhiu-chhiong yúng-sṳ chhin kón chan-chhâ oi hi sông chan-chhòng.

(Yâ-lu-sat-lâng ke se-moi-é)

¹³ Chón-lòi â, chón-lòi â, Sû-lâ-me̍t ke se-moi-é â, chón-lòi pûn ngài-têu khon-tó ngì. Ngì-têu cho-má-ke oi kín khon-tén ngài liá Sû-lâ-me̍t ke se-moi-é â, chhiu-chhiong ngài chhai lióng-chhui ngìn chûng-kiên thiau-vú nè?

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan