Bìoball air-loidhne

Ngâ-kô 4 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

(Sîn-lòng)

¹ Ngài ke chhìn-moi â, ngì sṳ̍t-chhai fî-sòng chiâng! Ngì ke muk-chû chhai mien-sâ heu-poi chhiong ngie̍t-kap-è án vûn-yù. Ngì ke thèu-nà-mô chhiong yit-khiùn vû sân-yòng, tui Kî-lie̍t sân-táng kín hàng-tén hâ-lòi ke yong.

² Ngì ke ngà-chhṳ́ chhiong chang chién-ko mô ke yòng, chhiòn-phu sé-to pha̍k-chhiang pha̍k-chhiang sông-lòi; kì-têu sûng-sûng tui-tui phài-tén, yit-kî ngà-chhṳ́ tû mò khiet-thet.

³ Ngì ke choi-sùn chhiong fùng-set ke sṳ̂-tai, khôi-choi kóng-fa ke sṳ̀ chhin tet-ngìn-siak. Ngì lióng-phién ke mien-kap-lón chhai mien-sâ heu-poi, fùng-yun to chhiong fûn-cho lióng-sak ke sa̍k-liù.

⁴ Ngì ke kiáng-kîn chhiong Thai-ví ke kô-thap, hí-to tông kiên-ku yu fî-sòng kô-kui; ngì ke kiáng-kîn só koa-tén ke pha̍t-lien, chhiu-chhiong kûi-chhiên chak yúng-sṳ ke tún-phài.

⁵ Ngì ke lióng-lia̍p nen-kû chhiong yit-tui se lu̍k-é, chhiong sûng-sâng ke lìn-yòng chhai pak-ha̍p-fâ tông-chûng sṳ̍t-chhó.

⁶ Ngài oi hi mu̍t-yo̍k sân, to nen-hiông kông táng-kô, tén-to chhîn-chó ke liòng-fûng chhôi-lòi, vû-am chhiam-chhiam-é lì-khôi ke sṳ̀.

⁷ Ngài ke chhìn-moi â, ngì sṳ̍t-chhai chhin-chiâng! Ngì vàn-chhiòn mò yit-si̍t khiet-tiám!

⁸ Ngài ke sîn-ngiòng â, chhiáng lâu ngài khiung-ha lì-khôi Lì-pâ-nun-sân, lâu ngài khiung-ha tui Lì-pâ-nun hâ-lòi. Chhiáng ngì kiak-kiak tui Â-mâ-nâ ke sân-táng, tui Sṳ-nì-ngí-sân lâu Het-mùn-sân hâ-lòi, chhiu-he sṳ̂-é lâu pau-é he̍t ke só-chhai.

⁹ Ngài ke â-moi, ngài ke sîn-ngiòng â, ngì ke muk-chû yit tá ngién-koái, ngì kiáng-kîn ke pha̍t-lien yit yèu, ngài ke fùn chhiu pûn ngì kiêu-chéu lé!

¹⁰ Ngài ke â-moi, ngài ke sîn-ngiòng â, ngì ke oi-chhìn sṳ̍t-chhai chhin-thiàm. Ngì ke oi-chhìn pí chiú hàn-kha hiông; ngì kò-yù ke hiông-mi yàng-ko só-yû ke hiông-liau.

¹¹ Ngài ke sîn-ngiòng, ngì ke choi-sùn thiàm-to chhiong phûng-thòng; ngì ke sa̍t-mà yû phûng-thòng lâu nen ke mi-tho. Ngì sâm-fu ke hiông-hi chhiong Lì-pâ-nun ke hiông-hi.

¹² Ngài ke â-moi, ngài ke sîn-ngiòng, ngì chhiong he só-tén ke fâ-yèn, vì-tén ke chiáng, fûng-thet ke chhièn-ngièn.

¹³ Yèn-chûng kó-chṳ́-su chhin-tô, yû sa̍k-liù-su kiet chhin-chiâng ke kó-chṳ́; yû fung-siên-fâ, nâ-tha̍t-su,

¹⁴ yû nâ-tha̍t, fân-fùng-fâ, chhông-phù, ngiuk-kui, lâu tak-yong nen-hiông-muk, hàn-yû mu̍t-yo̍k, chhṳ̀m-hiông, lâu kok-chúng kô-kui ke hiông-liau.

¹⁵ Ngì he yèn-chûng ke chhièn-súi, he yúng-chhut ke chiáng-súi, he tui Lì-pâ-nun-sân liù hâ-lòi ke hâi-súi.

(Sîn-ngiòng)

¹⁶ Pet-fûng â, hó siáng lé, nàm-fûng â, chhôi ngi̍p ngài ke fâ-yèn lòi, sṳ́ khûng-hi chhûng-mân hiông-mi. Ngien ngài ke chhìn-lòng ngi̍p-to kì ke yèn-chûng, sṳ̍t yèn-tú chui-hó ke kó-chṳ́.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan