Bìoball air-loidhne

Ngâ-kô 3 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

¹ Ngài am-pû-thèu soi chhai mìn-chhòng táng, chhìm ngài ke oi-ngìn; ngài chhìm kì, chúng-he chhìm m̀-tó.

² Ngài sióng: “Ngài oi hong-hí-lòi hàng-theu ke-sàng, chhôn-ko thai-kiê séu-hong, hi chhìm ngài ke oi-ngìn.” Ngài chhìm kì, chúng-he chhìm m̀-tó.

³ Sàng-tú ke-têu sùn-lò chóng-kâng ke ngìn tù-tó ngài, ngài chhiu mun: “Ngì-têu yû khon-tó ngài ke oi-ngìn mò?”

⁴ Ngài yit lì-khôi kì-têu, chhiu chhìm-tó kì. Ngài chiông kì lâi-tén, m̀-hén piong kì chéu, yit-chhṳ̍t tai kì ngi̍p ngâ-mê ke vuk-hâ, chui-mî ngi̍p-to ngài chhut-se ke fòng-kiên.

⁵ Yâ-lu-sat-lâng ke se-moi-é â, chhiáng tap-yin ngài, chhiáng chṳ́-tén lìn-yòng lâu lu̍k-mà fat-sṳ; mo̍k chhàu ngài-têu, m̀-hó met-sa ngài-têu, pûn ngài-têu ke oi-chhìn chhṳ-yù fat-chán.

Thi-sâm Sú (Sîn-ngiòng)

⁶ Ke tui khóng-yâ sông-lòi, khon chhiong yên-chhû, yung sên-lî ngìn mai ke nen-hiông lâu mu̍t-yo̍k hiûn-to hiông-hiông ke, he má-ngìn nè?

⁷ Khon nâ, ke he Só-lò-mùn ke khieu-é, si-vì yû liuk-sṳ̍p ke sṳ-pîn pó-fu, he Yî-set-lie̍t chui yû-siu ke yúng-sṳ.

⁸ Kì-têu chhiòn-phu tông voi sṳ́-kiam; kì-têu lûng-chúng tông voi siông-chhṳ̀. Tak-sà yêu-kiên phi-tai li-kiam, fòng-phi am-pû-thèu ke ngùi-hiám.

⁹ Só-lò-mùn-vòng yung Lì-pâ-nun ke su-é, vi chhṳ-kâ chṳ-chho khieu-é.

¹⁰ Khieu-é ke chhû-é yung ngiùn-è cho ke, khieu-tái yung kîm-é cho ke; chhô-thiap yung chṳ́-set ke liau-é cho ke, he Yâ-lu-sat-lâng se-moi-é yung oi-chhìn chṳt hí-lòi ke.

¹¹ Siak-ôn ke se-moi-é â, lòi khon Só-lò-mùn-vòng! Kì thèu-nà tai-tén kôn-miên, he kì kiet-fûn ke-ngit, kì fôn-hí khoai-lo̍k ke-ngit, kiâ-mê vi kì tai ke.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan