Bìoball air-loidhne

Lu-tet Ki 4 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Pô-â-sṳ̂ Thó Lu-tet Cho Pû-ngiòng

¹ Pô-â-sṳ̂ to sàng mùn-héu chung-ngìn chhi-si̍p ke thi-fông, chhô chhai ke-vi. Án tú-hó, Pô-â-sṳ̂ só kóng ke chṳ-chhîn, yû ngi-vu cheu-ku kiâ kâ-chhu̍k ke-sà, tui ke-vi kîn-ko. Pô-â-sṳ̂ chhiu hêm kì ke miàng kóng: “Chhiáng ko-lòi liá-vi chhô.” Kì chhiu ko-lòi chhô.

² Pô-â-sṳ̂ yu tui sàng-tú chhiáng-chhut sṳ̍p-vi chóng-ló lòi, chhiáng kì-têu chhai ke-vi chhô hâ-lòi. Thai-kâ chhiòn-phu chhô hó-se.

³ Kì tui ke chṳ-chhîn kóng: “Nâ-ngò-mî tui Mô-ap chón-lòi, kì oi mai ngài-têu chhîn-chhu̍k Yî-li-mí-le̍t ke-te thièn;

⁴ ngài sióng ngì yin-kôi tî liá-khien sṳ. Na-he ngì oi mâi chón-hi, chhiu oi chhai liá-têu chhô-tén ke ngìn lâu ên-têu ke chóng-ló mien-chhièn lòi mâi; na-he m̀ mâi, chhiáng kóng chhîn-chhú, yîn-vi ngì yû yù-siên khièn, chiap-tén chang lùn-to ngài.” Ke-sà kóng: “Ngài oi mâi chón-hi.”

⁵ Pô-â-sṳ̂ kóng: “Tông ngì tui Nâ-ngò-mî mâi ke-te thièn ke sṳ̀, ngì ya yin-kôi thó sí-ngìn ke koá-fu Mô-ap se-moi-é Lu-tet; án-ngiòng, ke-te thièn chang voi pó-liù chhai yí-kîn sí-thet ke ngìn miàng-hâ.”

⁶ Ke chṳ-chhîn en-kóng: “Án-ngiòng, ngài fong-hi mâi-chón liá-te thièn ke khièn-li, kiâng-pha ngài mâi chón-hi, ngài chhṳ-kâ ke chṳ́-ńg ya mò fap-thu ki-sṳ̀n liá-ke sán-ngia̍p. Pûn ngì mâi! Ngài cho-m̀-tet mâi.”

⁷ Ke sṳ̀-thoi, Yî-set-lie̍t-ngìn mâi-mai chhòi-sán yû yit-chúng koan-li: Mai-fông oi thot-hâ chhṳ-kâ ke hài pûn mâi-fông. Kì-têu yung liá-chúng fông-fap péu-sṳ mâi-mai yí-kîn thin-chho̍k.

⁸ Só-yî, tông ke chṳ-chhîn tui Pô-â-sṳ̂ kóng: “Pûn ngì mâi!” kì chhiu thot chhṳ-kâ ke hài pûn Pô-â-sṳ̂.

⁹ Pô-â-sṳ̂ tui ke-têu chóng-ló lâu só-yû chhai-chhòng ke ngìn kóng: “Kîm-pû-ngit ngì-têu chhiòn-phu he kien-chṳn ngìn; ngài yí-kîn tui Nâ-ngò-mî mâi Yî-li-mí-le̍t lâu kiâ lai-é Kî-lièn lâu Mâ-lùn só-yû ke kâ-sán.

¹⁰ Ngài yu thó Mâ-lùn ke koá-fu, chhiu-he Mô-ap se-moi-é Lu-tet cho ngài ke pû-ngiòng. Án-ngiòng, só-yû ke sán-ngia̍p chhiu cho-tet pó-liù chhai yí-kîn sí ke ngìn miàng-hâ, yu cho-tet chiông sí-ngìn ke miàng ki-siu̍k chhùn-liù chhai pún-hiông lâu pún-chhu̍k ngìn tông-chûng. Kîm-pû-ngit, ngì-têu chhiòn-phu he liá-sṳ ke kien-chṳn ngìn.”

¹¹ Ke-têu chóng-ló lâu sàng mùn-héu só-yû ke ngìn chhiòn-phu kóng: “Hó! Ngài-têu he kien-chṳn ngìn. Ngien Song-chú sṳ́ ngì oi ngi̍p-mùn ke pû-ngiòng sên-yông chhin-tô, chhiong Lùi-kiet lâu Li-â lióng chí-moi, kien-li̍p Yî-set-lie̍t kâ-chhu̍k yit-yong. Ngien ngì chhai Yî-fap-thâ-chhu̍k chûng hó-ngiak, chhai Pak-li-hèn yû miàng-mong.

¹² Ngien Song-chú thûng-ko liá heu-sâng ke fu-ngìn-kâ pûn ngì yû heu-thoi, sṳ́ ngì ke kâ chhiong Yù-thai lâu Thap-mâ kiung ke lai-é Fap-le̍t-sṳ̂ ke kâ khiung-yong hîn-vong.”

Pô-â-sṳ̂ lâu Kì ke Heu-thoi

¹³ Só-yî Pô-â-sṳ̂ thó Lu-tet cho pû-ngiòng. Song-chú su-fuk pûn kì, kì chhiu yû sṳ̂n-hong, kiung yit-ke lai-é.

¹⁴ Sàng-tú ke fu-ngìn-kâ tui Nâ-ngò-mî kóng: “Chan-mî Song-chú! Kì kîm-pû-ngit pûn ngì yit-ke chṳ-chhîn lòi cheu-ku ngì. Ngien liá se-ngìn-è chhai Yî-set-lie̍t chûng yû miàng-mong.

¹⁵ Ngì ke sîm-khiû siak ngì; kì vi ngì só-cho ke, pí chhit-ke lai-é só-cho ke hàn-kha tô. Liá-ha kì kiung yit-ke sûn-é; liá sûn-é voi tai-pûn ngì sîn ke ngièn-hi, sṳ́ ngì ôn-hióng thiên-ngièn.”

¹⁶ Nâ-ngò-mî chhiu chiông se-ngìn-è nám ko-lòi, yông-yuk kì.

¹⁷ Lìn-sa ke fu-ngìn-kâ lâu liá se-ngìn-è ôn-miàng Ngò-phi-tet. Kì-têu siông-châng lâu thai-kâ kóng: “Nâ-ngò-mî yû yit-ke lai-é!” Ngò-phi-tet he Yâ-sî ke â-pâ; Yâ-sî chhiu-he Thai-ví-vòng ke â-pâ.

¹⁸ Fap-le̍t-sṳ̂ to Thai-ví ke kâ-phú ki chhai hâ-poi: Fap-le̍t-sṳ̂ kiung Hî-sṳ̂-lùn,

¹⁹ Hî-sṳ̂-lùn kiung Làn, Làn kiung Â-mí-nâ-tha̍t,

²⁰ Â-mí-nâ-tha̍t kiung Nâ-sun, Nâ-sun kiung Sat-mùn,

²¹ Sat-mùn kiung Pô-â-sṳ̂, Pô-â-sṳ̂ kiung Ngò-phi-tet,

²² Ngò-phi-tet kiung Yâ-sî, Yâ-sî kiung Thai-ví.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan