Bìoball air-loidhne

Li̍t-thoi-chṳ Song 4 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Yù-thai Khì-thâ ke Heu-thoi

¹ Yù-thai ke heu-thoi yû Fap-le̍t-sṳ̂, Hî-sṳ̂-lùn, Kâ-mí, Fu-ngí lâu Sok-pâ.

² Sok-pâ kiung Li-â-ngâ; Li-â-ngâ kiung Ngâ-ha̍p; Ngâ-ha̍p kiung Â-fu-mâi lâu Lâ-ha̍p. Kì-têu he Só-lâ-ngìn ke chú-siên.

^3-4 Fu-ngí he Kâ-le̍t lâu Yî-fap-thâ só-kiung ke chóng-chṳ́; kì ke heu-thoi khôi-sat Pak-li-hèn-sàng. Fu-ngí yû sâm-ke lai-é — Yî-thán, Pí-nú-yî-le̍t, Yî-chhia-ngí. Yî-thán yû sâm-ke lai-é — Yâ-sṳ̂-lie̍t, Yî-sṳ̂-mâ, Yî-tet-pâ, pin yû yit-ke moi-é Ha̍p-sit-le̍t-pô-nì. Pí-nú-yî-le̍t khôi-sat Kî-tô-sàng; Yî-chhia-ngí khôi-sat Fu-sâ-sàng.

⁵ Â-sṳ̂-fu khôi-sat Thì-kô-â-sàng, kì yû lióng-ke pû-ngiòng — Hî-lâ lâu Nâ-lâ.

⁶ Nâ-lâ vi kì kiung si-ke lai-é — Â-fu-sat, Hî-fut, Thì-mí-nì, Ha̍p-hot-sṳ̂-thâ-li.

⁷ Hî-lâ vi kì kiung sâm-ke lai-é — Sé-lie̍t, Só-hot, Yî-thì-nàm.

⁸ Kô-sṳ̂ he Â-nok lâu Só-pí-pâ ke â-pâ, he Ha̍p-lùn ke lai-é Â-ha̍p-het chûng-chhu̍k ke chú-siên.

⁹ Yû yit-ke ngìn miàng ôn-to Ngâ-pí-sṳ̂, he kì hiûng-thi tông-chûng chui su chûn-chhung ke ngìn. Kiâ-mê chiông kì ôn-to Ngâ-pí-sṳ̂, yîn-vi kiung kì ke sṳ̀ fî-sòng thung-khú.

¹⁰ Ngâ-pí-sṳ̂ khì-khiù Yî-set-lie̍t ke Song-ti kóng: “Song-ti â, khiù Ngì su-fuk pûn ngài, pûn ngài thú-thi chen-kâ chhin-tô. Khiù Ngì lâu ngài khiung-ha, pó-sú ngài thot-lì châi-hoi, mò su thung-khú.” Song-ti chhiu cheu kì só-khiù ke su-pûn kì.

Khì-thâ Kâ-chhu̍k ke Miàng-tân

¹¹ Sû-ha̍p ke hiûng-thi Kî-liu̍k yû yit-ke lai-é ôn-to Mí-het. Mí-het kiung Yî-sṳ̂-tún;

¹² Yî-sṳ̂-tún yû sâm-ke lai-é — Pak-Lâ-pâ, Pâ-sî-â, Thì-hiûn-nâ. Thì-hiûn-nâ he Nâ-hot-sàng ke khôi-sat ngìn. Liá-têu ngìn ke heu-thoi chhiòn-phu he̍t chhai Li-kâ.

¹³ Kî-na̍p-sṳ̂ yû lióng-ke lai-é — Ngò-thò-ngiap lâu Sî-lòi-ngâ. Ngò-thò-ngiap ya yû lióng-ke lai-é — Ha̍p-thap lâu Mén-nò-thai.

¹⁴ Mén-nò-thai he Ngò-fut-lâ ke â-pâ. Sî-lòi-ngâ kiung Yok-ap; Yok-ap he Sṳ̂-fu sân-lak ke khôi-sat ngìn; he̍t chhai Sṳ̂-fu sân-lak ke chhiòn-phu he yû kî-su̍t ke kûng-ngìn.

¹⁵ Yâ-fù-nì ke lai-é Kâ-le̍t yû sâm-ke lai-é — Yî-lu, Yî-lâ, Nâ-ôn. Yî-lâ kiung Kî-na̍p-sṳ̂.

¹⁶ Yâ-ha̍p-li-le̍t yû si-ke lai-é — Sî-fut, Sî-fap, Thì-li, Â-sat-lie̍t.

^17-18 Yî-sṳ̂-lâ yû si-ke lai-é — Yit-thiap, Mí-lie̍t, Yî-fut, Ngâ-lùn. Mí-lie̍t thó Âi-khi̍p-vòng ke moi-é Pí-thì-ngâ; kì-têu yû yit-ke moi-é Mí-li-am, lióng-ke lai-é — Sâ-mâi lâu Yit-pâ. Yit-pâ khôi-sat Yî-sṳ̍t-thì-mô-sàng. Mí-lie̍t ya thó yit-ke Yù-thai kî-chhu̍k ke se-moi-é; kì-têu kiung sâm-ke lai-é, chhiu-he khôi-sat Kî-tô-sàng ke Ngâ-lie̍t, khôi-sat Sô-kô-sàng ke Hî-pak, lâu khôi-sat Sat-nò-â-sàng ke Yâ-kú-thiet.

¹⁹ Hò-thi-ngâ thó Nâ-hàm ke ló-moi; kì-têu ke heu-thoi he he̍t chhai Kî-yî-lâ-sàng ke Kâ-mí chûng-chhu̍k lâu he̍t chhai Yî-sṳ̍t-thì-mô-sàng ke Mâ-kâ chûng-chhu̍k ke chú-siên.

²⁰ Sṳ-mùn yû si-ke lai-é — Am-nun, Lìm-nâ, Phien-Ha̍p-nàm, Thì-lùn. Yî-sṳ yû lióng-ke lai-é — Sô-het lâu Phien-Sô-het.

Sṳ-lâ ke Heu-thoi

²¹ Yù-thai ke lai-é tông-chûng, yû yit-ke miàng ôn-to Sṳ-lâ. Sṳ-lâ ke heu-thoi yû khôi-sat Li-kâ-sàng ke Ngí, khôi-sat Mâ-li-sâ-sàng ke Lâ-thai, lâu he̍t chhai Pak-Â-sṳ̍t-pí-sàng chhiak mà-sâ ke chûng-chhu̍k,

²² hàn-yû Yok-kin, Kô-sî-pâ-sàng ke ngìn-mìn, Yok-â-sṳ̂, lâu ke thó Mô-ap se-moi-é he̍t chhai Pak-li-hèn ke Sat-lâ. (Liá-têu chhiòn-phu he tông-chó ke ki-liu̍k.)

²³ Kì-têu he vi vòng fu̍k-vu ke sêu-fì sṳ̂-fu, he̍t chhai Nì-thâ-yin lâu Kî-tâi-lâ.

Sî-mién ke Heu-thoi

²⁴ Sî-mién yû ńg-ke lai-é — Nì-mû-li, Ngâ-mén, Ngâ-li̍p, Chhia-lâ, Seu-lò.

²⁵ Seu-lò ke lai-é he Sâ-liùng, sûn-é he Mí-pí-sâm, chên-sûn he Mí-sṳ̂-mâ.

²⁶ Mí-sṳ̂-mâ ke lai-é he Ha̍p-mû-li, sûn-é he Sat-khat, chên-sûn he Sṳ-mî.

²⁷ Sṳ-mî yû sṳ̍p-liuk ke lai-é, liuk-ke moi-é, chúng-he kiâ hiûng-thi ke chṳ́-ńg kha-séu, só-yî Sî-mién kî-chhu̍k mò-chhiong Yù-thai kî-chhu̍k ngìn-tên hîn-vong.

²⁸ Sî-mién ke heu-thoi yit-chhṳ̍t to Thai-ví-vòng sṳ̀-thoi chhiòn-phu he̍t chhai liá-têu sàng-sṳ: Phe̍t-sṳ-pâ, Mô-lâ-thai, Ha̍p-sat-Sû-â,

²⁹ Phit-lâ, Yî-sêm, Thò-la̍p,

³⁰ Pí-thú-li, Hò-ngí-mâ, Sé-kiet-lâ,

³¹ Pak-Mâ-kâ-pok, Ha̍p-sat-Sû-sat, Pak-Pí-li, Sâ-lâ-yîm.

³² Kì-têu ya he̍t chhai Yî-thán, Â-yîn, Lìm-mùn, Thò-khien, Â-sân ńg-chak sàng-sṳ,

³³ pâu-hàm fu-khiun ke chhûn-chông, chhṳ̍t-to sî-nàm fông ke Pâ-li̍t-sàng. Yî-song he kì-têu só-he̍t ke thi-fông, kì-têu yû chhṳ-kâ ke chhu̍k-phú.

^34-38 Kì-têu chûng-chhu̍k chhu̍k-chóng ke miàng ki chhai hâ-poi: Mí-só-pâ, Ngâ-mí-le̍t, Â-mâ-chhia ke lai-é Yok-sâ, Yok-ngí, Yok-sṳ-pí ke lai-é Yâ-fu, (Yok-sṳ-pí he Sî-lòi-ngâ ke lai-é, Â-siet ke sûn-é), hàn-yû Yî-li-yok-nâi, Ngâ-kô-pâ, Yok-sok-hói, Â-soi-ngâ, Â-tí-ngia̍p, Yâ-sî-me̍t, Pí-nâ-ngâ, Sṳ-fî ke lai-é Se-sat. (Sṳ-fî he Â-liùng ke lai-é, Â-liùng he Yâ-thai-ngâ ke lai-é, Yâ-thai-ngâ he Sṳ̂n-li ke lai-é, Sṳ̂n-li he Sṳ-mâ-ngâ ke lai-é.) Yîn-vi kì-têu ke chûng-chhu̍k yit-chhṳ̍t chen-kâ,

³⁹ kì-têu hiong-sî fat-chán, voi to Kî-lâ-ngí, chhai Kî-lâ-ngí ke sân-lak tûng-phién chhìm chóng yòng-è ke só-chhai.

⁴⁰ Kì-têu chhai ke-vi chhìm-tó yit thai-phién tông-fat tông-phì ke chhó-chhòng; ke chhó-chhòng fî-sòng tiâm-chhin. Yî-chhièn he Hàm chhu̍k-ngìn he̍t chhai ke-vi.

⁴¹ Chhai Yù-thai-vòng Hî-sî-kâ sṳ̀-thoi, yî-song kóng ke ke-têu chhu̍k-chóng to Kî-lâ-ngí, kûng-kit Hàm chhu̍k-ngìn ke chong-phùng lâu ke-vi só-yû ke Mí-vû-nì-ngìn, chiông kì-têu me̍t-thet, yèn-heu yit-chhṳ̍t thin-kî chhai ke-vi, yîn-vi ke-vi yû tông-hó ke chhó-chhòng cho-tet chóng yòng-è.

⁴² Sî-mién kî-chhu̍k nang-ngoi yû ńg-pak ke ngìn hiong-tûng to Yî-tûng. Kì-têu ke liâng-chhiu he Yî-sṳ ke si-ke lai-é — Pí-lâ-thì, Nì-li-ngâ, Li-fap-ngâ, Vû-siet.

⁴³ Kì-têu chhṳ̀-thet ke-têu thò-chéu liù chhai Yî-tûng ke Â-mâ-li̍t-ngìn, yèn-heu yit-chhṳ̍t thin-kî chhai ke-vi.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan