Li̍t-thoi-chṳ Song 23 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

¹ Thai-ví ngièn-ló ke sṳ̀, sat-li̍p kì ke lai-é Só-lò-mùn cho Yî-set-lie̍t ke vòng.

Li-vi-ngìn ke Chṳt-vu

² Thai-ví-vòng seu-si̍p Yî-set-lie̍t só-yû ke liâng-chhiu, chi-sṳ̂, lâu Li-vi-ngìn.

³ Kì thiàu-chhà Li-vi-ngìn sâm-sṳ̍p se yî-song ke nàm-ngìn, chúng-su yû sâm-van pat-chhiên sà.

⁴ Vòng phai lióng-van si-chhiên sà kón-lî Song-chú sṳn-thien ke kûng-chok, liuk-chhiên sà pó-kón ki-liu̍k lâu kiet-chhài siông-châng ke sṳ,

⁵ si-chhiên sà cho sú-ví ke kûng-chok, si-chhiên sà tâm-ngim siung-chan Song-chú ke sṳ, thàn-cheu vòng só kiûng-yin ke ngo̍k-hi.

⁶ Thai-ví cheu Li-vi-ngìn só-su̍k ke chûng-chhu̍k chiông kì-têu fûn-cho Kiet-sun, Kô-hot, lâu Mí-lâ-li sâm-chû.

⁷ Kiet-sun yû lióng-ke lai-é — Lâ-tan lâu Sṳ-mî.

⁸ Lâ-tan yû sâm-ke lai-é — Yâ-hiet, Se-thán, Yok-ngí.

⁹ Kì-têu chhiòn-phu he Lâ-tan heu-thoi tak chûng-chhu̍k ke chhu̍k-chóng. (Sṳ-mî yû sâm-ke lai-é — Sṳ-lò-me̍t, Ha̍p-siet, Ha̍p-làn.)

¹⁰ Sṳ-mî yû si-ke lai-é, cheu thai-se ke sun-si he: Ngâ-ha̍p, Se-nâ, Yâ-vû-sṳ̂, Pí-li-â.

¹¹ Yâ-vû-sṳ̂ lâu Pí-li-â ke heu-thoi mò chhin-tô, só-yî kap khiung-ha son yit-ke chûng-chhu̍k.

¹² Kô-hot yû si-ke lai-é — Am-làn, Yî-sṳ̂-ha̍p, Hî-pak-lùn, Vû-siet.

¹³ Kì ke chóng-chṳ́ Am-làn he Â-lùn lâu Mô-sî ke â-pâ. (Â-lùn lâu kì ke heu-thoi su sién-phai yún-yén kón-lî sṳn-vu̍t, fu-chit sêu-hiông kin-pai Song-chú, sṳ-fung Kì, pin fung Kì ke miàng chuk-fuk ngìn-mìn.

¹⁴ Chúng-he sṳ̀n-ngìn Mô-sî ke-têu lai-é kûi chhai Li-vi kî-chhu̍k.)

¹⁵ Mô-sî yû lióng-ke lai-é — Kiet-sun lâu Yî-li-yî-chhia.

¹⁶ Kiet-sun ke chóng-chṳ́ he Se-pu-ngia̍p.

¹⁷ Yî-li-yî-chhia chṳ́-yû yit-ke lai-é Li-ha̍p-pí-ngâ; chúng-he Li-ha̍p-pí-ngâ yû chhin-tô heu-thoi.

¹⁸ Kô-hot thi-ngi ke lai-é Yî-sṳ̂-ha̍p yû yit-ke lai-é, ôn-to Sṳ-lò-me̍t, he liá chûng-chhu̍k ke chhu̍k-chóng.

¹⁹ Kô-hot thi-sâm ke lai-é Hî-pak-lùn yû si-ke lai-é, cheu thai-se ke sun-si he: Yâ-li-ngâ, Â-mâ-li-â, Ngâ-ha̍p-sit, Yâ-kâ-mien.

²⁰ Kô-hot thi-si ke lai-é Vû-siet yû lióng-ke lai-é — Mí-kâ lâu Yâ-sî-ngâ.

²¹ Mí-lâ-li yû lióng-ke lai-é — Mat-li lâu Mû-sṳ. Mat-li ya yû lióng-ke lai-é — Yî-li-â-sat lâu Kî-sṳ.

²² Yî-li-â-sat sí ke sṳ̀ mò lai-é, chṳ́-yû moi-é. Kiâ kí-ke moi-é ka-pûn kì-têu ke suk-pak hiûng-thi, chhiu-he Kî-sṳ ke-têu lai-é.

²³ Mí-lâ-li thi-ngi ke lai-é Mû-sṳ yû sâm-ke lai-é — Ma̍t-li̍t, Yî-tet, Yâ-li-mô.

²⁴ Yî-song he Li-vi ke heu-thoi, he yung chûng-chhu̍k lâu kâ-chhu̍k cho tân-vi, tak-sà chhiòn-phu cheu miàng-è lòi tên-ki. Só-yû ngi-sṳ̍p se yî-song ke ngìn, chhiòn-phu yû-fun chhai Song-chú sṳn-thien ke kûng-chok.

²⁵ Thai-ví kóng: “Song-chú — Yî-set-lie̍t ke Song-ti su phìn-ôn pûn Kì ke chṳ́-mìn; Kì chhṳ-kâ oi yún-yén he̍t chhai Yâ-lu-sat-lâng.

²⁶ Só-yî, Li-vi-ngìn m̀-sṳ́ chai kông Song-chú ke sṳn-chong-phùng lâu khì-thâ lî-pai yung ke tûng-sî.”

²⁷ Cheu Thai-ví lìm-chûng ke chṳ́-sṳ, só-yû mân ngi-sṳ̍p se ke Li-vi-ngìn chhiòn-phu oi tên-ki,

²⁸ su-phai tâm-ngim yî-ha ke chṳt-vu: Hia̍p-chhu Â-lùn heu-thoi cho chi-sṳ̂ ke ngìn chú-chhṳ̀ Song-chú sṳn-thien chûng lî-pai ke sṳ, kón-lî Song-ti sṳn-thien ke thìn-yen lâu fòng-kiên, fu-chit chhîn-kiet sṳn-vu̍t;

²⁹ fu-chit yi-phi hien-pûn Song-ti ke kiûng-piáng, hien-chi ke mien-fún, vù-kau-piáng, phoi ke chi-vu̍t, lâu kiâu kám-lám-yù ke mien-fún, ya oi chhṳn, liòng sṳn-thien ke chi-vu̍t.

³⁰ Kì-têu tak-ngit chó-am hàn-oi khî-tén kám-chhia chan-mî Song-chú;

³¹ tù-tó ôn-sit-ngit, chhû-yit, ya-he khì-thâ chiet-ngit, oi cheu chṳ́-thin ke su-muk lâu li-kûi sòng-sòng hien sêu-fa-chi pûn Song-chú.

³² Li-vi-ngìn fu-chit kón-lî Song-chú ke sṳn-chong-phùng lâu sṳn-thien, ya hia̍p-chhu kì-têu ke chhîn-chhu̍k — Â-lùn heu-thoi chú-chhṳ̀ sṳn-thien lî-pai ke sṳ.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan