Bìoball air-loidhne

Li̍t-thoi-chṳ Song 22 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

¹ Só-yî Thai-ví kóng: “Chú Song-ti ke sṳn-thien voi hí chhai liá-vi; liá-vi he Yî-set-lie̍t ngìn-mìn hien sêu-fa-chi ke só-chhai.”

Yi-phi Hí Sṳn-thien

² Thai-ví min-lin só-yû he̍t chhai Yî-set-lie̍t ke ngoi-koet ngìn chhi-si̍p khiung-ha, phai kì-têu tông-chûng ke tá-sa̍k sṳ̂-fu yi-phi sa̍k-thèu hí Song-ti ke sṳn-thien.

³ Thai-ví kiûng-yin chhin-tô ke thiet-è, yung lòi-cho mùn-san ke tâng-é lâu kiêu-é, yu kiûng-yin chhin-tô ke thùng-è, tô-to mò fap-thu chhṳn.

⁴ Thai-ví yu kiûng-yin son m̀-chhut ke hiông-pak-su, yîn-vi Thai-ngì lâu Sî-tun ke ngìn-mìn yun-lòi chhin-tô hiông-pak-su pûn kì.

⁵ Thai-ví sióng: “Ngài ke lai-é Só-lò-mùn vi Song-chú hí ke sṳn-thien yit-thin oi fî-sòng chiâng, sṳ-kie yû-miàng. Chúng-he kì hàn heu-sâng, yu mò kîn-ngiam; ngài yit-thin oi chiông yit-chhiet yi-phi hó-se.” Só-yî Thai-ví chhai màng-sí yî-chhièn chún-phi tông-tô chhòi-liau.

⁶ Thai-ví ham kiâ lai-é Só-lò-mùn lòi, kâu-tai kì vi Song-chú — Yî-set-lie̍t ke Song-ti hí sṳn-thien.

⁷ Thai-ví tui kì kóng: “Lai-é â, ngài pún-lòi sîm-kôn sióng vi Song-chú — ngài Song-ti ke miàng hí sṳn-thien,

⁸ chúng-he Song-chú tui ngài kóng, yîn-vi ngài sṳt chhṳ̀-ko chhin-tô ngìn, tá tông-tô chan-chên, liù chhin-tô ngìn ke hiet, Kì mò-oi ngài vi Kì ke miàng hí sṳn-thien.

⁹ Chúng-he Kì pûn ngài yit-chak yin-hí. Kì kóng: ‘Ngì voi yû yit-ke lai-é. Kì thúng-chhṳ ke khì-kiên koet-thai mìn-ôn; yîn-vi Ngài oi su-pûn kì phìn-ôn ke ngit-è, m̀-su thi̍t-ngìn káu-chhau. Kì ke miàng oi ham-cho Só-lò-mùn; yîn-vi chhai kì cho vòng ke khì-kiên, Ngài oi su-pûn Yî-set-lie̍t-ngìn fò-phìn ôn-chhiòn.

¹⁰ Kì oi vi Ngài ke miàng hí sṳn-thien. Kì oi cho Ngài ke lai-é; Ngài oi cho kì ke Â-pâ. Ngài oi kiên-ku kì ke vòng-vi, yún-yén thúng-chhṳ Yî-set-lie̍t.’ ”

¹¹ Thai-ví ki-siu̍k kóng: “Lai-é â, ngien Song-chú — ngì ke Song-ti lâu ngì khiung-ha; cheu Kì yin-hí ngì ke, sṳ́ ngì sun-li lòi vi Kì hí sṳn-thien.

¹² Ngien Song-chú — ngì ke Song-ti su-pûn ngì chhûng-mìn chṳ-fi, yû phan-fap cheu Kì ke fap-li̍t chhṳ-lî Yî-set-lie̍t.

¹³ Na-he ngì ngin-chṳ̂n chûn-hàng Song-chú thûng-ko Mô-sî pân-pu pûn Yî-set-lie̍t só-yû ke fap-li̍t kie-min, ngì chhiu voi sṳ̀n-kûng. Ngì oi kiên-khiòng yúng-kám; m̀-hó kiâng, ya m̀-hó sṳt-chṳ.

¹⁴ Hí sṳn-thien ke chhòi-liau, ngài yí-kîn chhin-li̍t chún-phi hó kîm-é sâm-chhiên si-pak kûng-tún, ngiùn-è sâm-van si-chhiên kûng-tún, nang-ngoi hàn-yû chhin-tô thùng lâu thiet, tô-to mò fap-thu chhṳn. Ngài ya yi-phi hó muk-chhòi lâu sa̍k-thèu, chúng-he ngì hàn-oi chún-phi kâ-têu.

¹⁵ Ngì yû chhin-tô sṳ̂-fu, chhiu-he tá-sa̍k sṳ̂-fu, nài-súi sṳ̂-fu, lâu muk-siong sṳ̂-fu, hàn-yû kok-chúng kûng-chok ke sṳ̂-fu,

¹⁶ voi yung kîm, ngiùn, thùng, thiet chu-chho tûng-sî. Liá-ha chhiu hó khôi-sṳ́, ngien Song-chú lâu ngì khiung-ha.”

¹⁷ Thai-ví min-lin Yî-set-lie̍t só-yû ke liâng-chhiu pông-chhu kiâ lai-é Só-lò-mùn.

¹⁸ Kì kóng: “Song-chú — ngì-têu ke Song-ti yit-chhṳ̍t lâu ngì-têu khiung-ha, su-pûn ngì-têu si chû-vì phìn-ôn. Kì sṳ́ ngài chṳ̂n-fu̍k yî-chhièn he̍t chhai liá thi-fông só-yû ke mìn-chhu̍k. Liá-têu mìn-chhu̍k liá-ha chhiòn-phu kûi-sun chhai Song-chú lâu Kì ke chṳ́-mìn mien-chhièn.

¹⁹ Liá-ha ngì-têu oi chhiòn-sîm chhiòn-yi sṳ-fung Song-chú — ngì-têu ke Song-ti; oi khôi-sṳ́ hí Chú Song-ti ke sṳn-thien. Sṳn-thien hí-hó yî-heu, ngì-têu chang yû só-chhai hó chiông Song-chú ke yok-khui lâu só-yû kin-pai Song-ti ke sṳn-vu̍t piong chhai tî-poi.”

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan