Bìoball air-loidhne

Li̍t-thoi-chṳ Song 10 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Só-lò-vòng Sí-thet
( Sat-mû-ngí Ki-song 31:1-13 )

¹ Fî-li-sṳ-ngìn lâu Yî-set-lie̍t-ngìn chhai Kî-li-pô-sân siông-chhṳ̀. Tông-tô Yî-set-lie̍t-ngìn pûn-ngìn chhṳ̀-sí; mò sí ke ngìn, pâu-hàm Só-lò lâu kì ke-têu lai-é, chhiòn-phu thò-chéu.

² Fî-li-sṳ-ngìn kiuk-tó Só-lò lâu kì ke-têu lai-é, chhṳ̀-thet Yok-nâ-tân, Â-pí-nâ-tha̍t lâu Ma̍k-kî-Sû-â.

³ Si chû-vì hiong Só-lò ke kûng-kit kín-lòi kín kit-lie̍t; kì pûn thi̍t-ngìn ke chien sa-tó, su chhûng-sông.

⁴ Só-lò tui thoi kì nâ vú-hi ke sṳ-ví kóng: “Ngì ke tô-é pâng chhut-lòi, chiông ngài chhṳ̀-thet! Án-ngiòng, ke-têu mò su kot-lî ke Fî-li-sṳ-ngìn chhiu mò fap-thu chhṳ̀-tó ngài lòi lìn-yu̍k ngài.” Chúng-he ke sṳ-ví fî-sòng kiâng, m̀-kám chhṳ̀; só-yî Só-lò pâng-chhut chhṳ-kâ ke tô-é lòi, phu̍k chhai tô-é táng-kô chiông chhṳ-kâ chhiuk-sí.

⁵ Ke sṳ-ví yit khon-tó Só-lò sí-thet, ya phu̍k chhai chhṳ-kâ ke tô-é táng-kô chhṳ-sat.

⁶ Án-ngiòng, Só-lò lâu kì sâm-ke lai-é chhiòn-phu sí-thet; kì ke vòng-chhèu ya kiet-suk lé.

⁷ Yâ-sṳ̂-lie̍t sân-lak ke Yî-set-lie̍t-ngìn khon Yî-set-lie̍t kiûn-chhui thò-chéu, yu khon-tó Só-lò lâu kì ke-têu lai-é ya lûng-chúng chan-sí, chhiu lì-khôi kì-têu ke sàng thò-chéu. Fî-li-sṳ-ngìn chhiu lòi cham-liâng, he̍t chhai ke-vi.

⁸ Thi-ngi ngit, Fî-li-sṳ-ngìn hi pok sí-ngìn ke chan-sâm; kì-têu fat-hien Só-lò lâu kì sâm-ke lai-é ke sṳ̂-thí vang chhai Kî-li-pô-sân,

⁹ chhiu pok-thet Só-lò ke chan-sâm, to̍k-hâ kì ke thèu, kié hâ kì ke vú-hi. Kì-têu phai-ngìn to Fî-li-sṳ kok-thi hi, hiong kì-têu ke ngiéu-siong lâu ngìn-mìn po-ko liá sêu-sit.

¹⁰ Kì-têu chiông Só-lò ke vú-hi piong chhai kì-têu ke yit-chho sṳ̀n-meu tú, chiông kì ke thèu-nà koa chhai kì-têu ke Thai-kún sṳ̀n-meu tú.

¹¹ Kî-lie̍t kin-nui Ngâ-pí-sàng ke ngìn-mìn yit thâng-tó Fî-li-sṳ-ngìn tui Só-lò só-cho ke sṳ,

¹² kì-têu tông-chûng só-yû ke yúng-sṳ chhiu chhut-fat, hi chiông Só-lò lâu kì ke-têu lai-é ke sṳ̂-thí chhióng chón-lòi, tai-to Ngâ-pí, chiông kì-têu ke hài-kut chong chhai Ngâ-pí ke yit-thèu liû-su hâ, yèn-heu kim-sṳ̍t chhit-ngit.

¹³ Só-lò sí-thet; yîn-vi kì tui Song-chú mò chûng-sîm, mò thâng-chhiùng Song-chú ke min-lin. Kì khiù-mun kâu-kúi ke,

¹⁴ m̀ khiù-mun Song-chú, só-yî Song-chú chiông kì chhṳ̀-thet, chiông vòng-vi pûn Yâ-sî ke lai-é Thai-ví.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan