Bìoball air-loidhne

Li̍t-thoi-chṳ Ha 7 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Sṳn-thien ke Fung-hien Tién-lî
( Lie̍t-vòng Ki-song 8:62-66 )

¹ Só-lò-mùn khì-tó so̍t, yû fó tui thiên-táng kong hâ-lòi, chiông só-hien ke sêu-fa-chi lâu khì-thâ ke chi-vu̍t sêu chhiang-chhiang; Song-chú ke yùng-kông chhûng-mân sṳn-thien.

² Yîn-vi Song-chú ke yùng-kông chhûng-mân Song-chú ke sṳn-thien, só-yî chi-sṳ̂ mò-fap ngi̍p-hi.

³ Yî-set-lie̍t chung-ngìn khon-tó fó tui thiên-táng kong hâ-lòi, khon-tó Song-chú ke yùng-kông chhûng-mân sṳn-thien, kì-têu chhiu phu̍k chhai phû sa̍k-thèu ke thi-song kin-pai Song-chú, siung-chan kóng: “Song-chú he chṳ-san; Kì ke chhṳ̀-oi yún-yén chhòng-chhùn.”

⁴ Yèn-heu, vòng lâu chhiòn-thí ngìn-mìn hien sên-ngì pûn Song-chú.

⁵ Só-lò-mùn-vòng hien lióng-van lióng-chhiên chak ngiù lâu sṳ̍p-ngi van chak yòng cho phìn-ôn-chi. Án-ngiòng, vòng lâu chhiòn-thí ngìn-mìn vi Song-ti ke sṳn-thien kí-hàng fung-hien-lî.

⁶ Ke-têu chi-sṳ̂ khî chhai chṳ́-thin ke só-chhai; Li-vi-ngìn khî chhai kì-têu ke mien-chhièn, yung Thai-ví-vòng ke-sṳ̀ thi̍t-chṳ ke ngo̍k-hi siung-chan Song-chú, yu cheu Thai-ví só kûi-thin chhong chan-mî ke sṳ̂: “Kì ke chhṳ̀-oi yún-yén chhòng-chhùn!” Ke-têu chi-sṳ̂ phùn la̍p-pá ke sṳ̀, Yî-set-lie̍t-ngìn chhiòn-phu khî hí-lòi.

⁷ Só-lò-mùn chiông Song-chú sṳn-thien thèu-chhièn thìn-yen chûng ke kóng-chhòng fûn-phe̍t vì-sṳn, chhai ke-vi hien sêu-fa-chi, su-chi lâu phìn-ôn-chi só-yung thèu-sâng ke yù. Só-lò-mùn án-ngiòng cho he yîn-vi kì só chho ke thùng chi-thàn thet-se, mò phan-fap piong án-tô ke chi-vu̍t.

⁸ Só-lò-mùn lâu chhiòn-thí Yî-set-lie̍t ngìn-mìn chhai sṳn-thien sú Tap Liàu-è Chiet chhit-ngit. Mìn-chung yén-yén tui pet-fông Ha̍p-mâ ai-héu lâu nàm-fông ke Âi-khi̍p piên-kin tak só-chhai chhièn-lòi chhâm-kâ thai-fi.

⁹ Kì-têu yung chhit-ngit ke sṳ̀-kiên fung-hien chi-thàn, yèn-heu he chhit-ngit ke chiet-khì; thi-pat ngit kì-têu kí-hàng pit-fi tién-lî.

¹⁰ Chai ko-hi ke-ngit, chhiu-he chhit-ngie̍t ngi-sṳ̍p sâm, Só-lò-mùn ham mìn-chung chón vuk-hâ. Kì-têu chhiòn-phu tông fôn-hí khoai-lo̍k; yîn-vi Song-chú su-fuk pûn Kì ke chṳ́-mìn Yî-set-lie̍t, ya su-fuk pûn Thai-ví lâu Só-lò-mùn.

Song-ti Chai Hiong Só-lò-mùn Hién-hien
( Lie̍t-vòng Ki-song 9:1-9 )

¹¹ Só-lò-mùn vàn-sṳ̀n Song-chú ke sṳn-thien lâu vòng-kiûng ke kûng-chhàng, sun-li vàn-sṳ̀n kì só kie-va̍k ke só-yû kûng-chok heu,

¹² Song-chú chhai am-pû-sṳ̀ hiong kì hién-hien, tui kì kóng: “Ngài yí-kîn thâng-tó ngì ke khì-tó; Ngài sién liá sṳn-thien cho hien-chi pûn Ngài ke só-chhai.

¹³ Ngài na m̀ lo̍k-súi, ya-he sṳ́ chhó-máng sṳ̍t-chhiang nùng-chok-vu̍t, ya-he kong vûn-é chhai Ngài chṳ́-mìn sṳ̂n-song,

¹⁴ ká-sṳ́ Ngài chhîn-chhṳ só-su̍k ke chṳ́-mìn khiâm-pî hâ-lòi, hiong Ngài khì-tó, chûi-khiù Ngài ke ên-fi, lì-khôi kì-têu só-cho ke fái-sṳ, Ngài chhiu voi tui thiên-táng thâng kì-têu ke khì-tó, sa-miên kì-têu ke chhui, yî-chhṳ kì-têu ke thú-thi.

¹⁵ Ngài voi khon-ku liá sṳn-thien, voi thâng chhai liá-vi só hien ke khì-tó;

¹⁶ yîn-vi Ngài sién kì, sṳ́ kì fûn-phe̍t vì-sṳn, liá sṳn-thien oi cho yún-yén kin-pai Ngài ke só-chhai. Ngài voi sòng-sòng chhai liá-vi khon-ku kì, koân-sîm kì.

¹⁷ Na-he ngì chhiong ngiâ-pâ Thai-ví khiung-yong chûng-sîm sṳ-fung Ngài, chûn-hàng Ngài ke fap-li̍t, cheu Ngài ke min-lin hi-cho,

¹⁸ Ngài yit-thin voi kiên-ku ngì ke vòng-vi, cheu Ngài hiong ngiâ-pâ Thai-ví só yin-hí ke, chhiu-he kì ke heu-thoi voi yún-yén thúng-chhṳ Yî-set-lie̍t.

¹⁹ Na-he ngì lâu ngì ke ngìn-mìn vat-thèu lì-khôi Ngài, m̀ chûn-sú Ngài pûn ngì-têu ke fap-li̍t lâu kie-min, hi kin-pai phe̍t ke sṳ̀n,

²⁰ Ngài chhiu voi chiông ngì-têu tui Ngài su-pûn ngì-têu ke thú-thi song pâng chhut-lòi; Ngài ya voi fit-thet liá-chho Ngài sṳt fûn-phe̍t vì-sṳn, sàng-cho kin-pai Ngài ke sṳn-thien. Van-mìn voi chhṳ́-seu kì, vú-yu̍k kì.

²¹ “Liá-ha thai-kâ chûn-chhung liá sṳn-thien, chúng-he to ke-sṳ̀, ko-lu ngìn chhiòn-phu voi chho̍k-kiâng lòi mun: ‘Song-chú cho-má-ke án-ngiòng khoán-thai liá-koet lâu liá sṳn-thien nè?’

²² Ngìn voi en-kóng: ‘Yîn-vi kì-têu lì-khôi Song-chú — kì-têu ke Song-ti. Song-chú sṳt thu kì-têu ke chú-siên tui Âi-khi̍p chhut-lòi, kì-têu fán-chón hi chhîn-khiun, fu̍k-sṳ, kin-pai phe̍t ke sṳ̀n-mìn, só-yî Song-chú kong liá yit-chhiet châi-nan pûn kì-têu.’ ”

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan