Bìoball air-loidhne

Li̍t-thoi-chṳ Ha 5 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

¹ Só-lò-mùn vàn-sṳ̀n Song-chú sṳn-thien só-yû ke kûng-chhàng, chhiu chiông kiâ-pâ Thai-ví hien-pûn Song-chú ke kîm-ngiùn lâu khì-thâ yung-phín chhiòn-phu piong chhai Song-ti sṳn-thien ke chhông-khu tú.

Ngiàng-chiap Yok-khui Ngi̍p Sṳn-thien
( Lie̍t-vòng Ki-song 8:1-9 )

² Vi-tó oi tui Thai-ví-sàng — chhiu-he Siak-ôn chiông Song-chú ke yok-khui chhiáng-ngi̍p sṳn-thien, Só-lò-mùn seu-si̍p Yî-set-lie̍t ke-têu chóng-ló lâu tak kî-chhu̍k tak chûng-chhu̍k ke-têu chhu̍k-chóng to Yâ-lu-sat-lâng.

³ Kì-têu chhiu chhai chhit-ngie̍t, chhiu-he Tap Liàu-è Chiet ke sṳ̀ chhi-si̍p to vòng ke-vi.

⁴ Tông só-yû ke Yî-set-lie̍t chóng-ló lòi-to ke sṳ̀, Li-vi-ngìn chiông yok-khui kông hí-lòi,

⁵ chi-sṳ̂ lâu Li-vi-ngìn ya chiông yok-khui, sṳn-chong-phùng lâu só-yû ke sṳn yung-phín pân-to sṳn-thien chhièn.

⁶ Só-lò-mùn-vòng lâu chhiòn-phu Yî-set-lie̍t ngìn-mìn chhi-si̍p chhai yok-khui thèu-chhièn, hien ngiù-yòng cho sên-ngì, su-muk tô-to mò fap-thu son.

⁷ Ke-têu chi-sṳ̂ chhiu chiông Song-chú ke yok-khui kông-ngi̍p sṳn-thien, piong chhai chṳ-sṳn-só lióng-chak kî-lu-pak ke yi̍t-kap hâ.

⁸ Kî-lu-pak tá-khôi ke yi̍t-kap châ-tén yok-khui lâu kông yok-khui ke kong-é.

⁹ Kong-é tông chhòng, khî chhai chṳ-sṳn-só thèu-chhièn ke ngìn chang cho-tet khon-tó kong-é ke lióng-thèu, tui khì-thâ fông-hiong chhiu khon m̀-tó. (Liá-têu kong-é kîm-pû-ngit hàn chhai ke-vi.)

¹⁰ Yok-khui tú chṳ́-yû piong-tén lióng-te sa̍k-pán, mò khì-thâ tûng-sî; liá lióng-te sa̍k-pán he Yî-set-lie̍t ngìn-mìn tui Âi-khi̍p chhut-lòi, Song-chú lâu kì-têu li̍p-yok ke sṳ̀, Mô-sî chhai Sî-nai-sân chiông kì-têu piong chhai yok-khui tú ke.

Song-chú ke Yùng-yeu

¹¹ Só-yû ke chi-sṳ̂, mò-lun su̍k nai-chû, lûng-chúng kiet-chhiang chhṳ-kâ, chhiòn-phu lòi-chhè.

¹² Só-yû fu-chit yîm-ngo̍k ke Li-vi-ngìn — Â-sat, Hî-man, Yâ-thu-tun, lâu kì-têu ke chhu̍k-ngìn chhiòn-phu chok mà-sâ ke sâm-fu. Li-vi-ngìn chhai vá-khiun chi-thàn ke tûng-phién khî-tén, sú nâ-tén chhê-é, su-khìm lâu chhit-hièn-khìm, yû yit-pak ngi-sṳ̍p miàng phùn la̍p-pá ke chi-sṳ̂ lâu kì-têu khî khiung-ha.

¹³ Tông kô-sú siung-chan Song-chú ke sṳ̀, la̍p-pá, chhê-é, lâu khì-thâ ngo̍k-hi khiung-ha fò-sâng, fî-sòng hó-thâng. Kì-têu thùng-sâng chhong: Siung-chan Song-chú, yîn-vi Kì chui liòng-san; Kì ke chhṳ̀-oi yún-yén chhòng-chhùn. Ke-sṳ̀ yû yùn chhûng-mân Song-chú ke sṳn-thien,

¹⁴ fat-chhut Song-chú ke yùng-kông, sṳ́ chi-sṳ̂ mò phan-fap chhai sṳn-thien tî-poi ki-siu̍k fu̍k-sṳ.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan