Bìoball air-loidhne

Ha̍p-pâ-kuk Sû 2 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Song-chú Yu Fì-tap Ha̍p-pâ-kuk

¹ Ngài oi khî chhai sú-mong-thòi, tén-tén khon Song-chú oi tui ngài kóng má-ke, khon Kì oi ngióng-pân fì-tap ngài ke koai-yen.

² Song-chú án-ngiòng en ngài: “Ngì oi chiông Ngài só khí-sṳ ngì ke chhîn-chhîn chhú-chhú siá chhai sa̍k-pán song, pûn po sêu-sit ke ngìn kín-chéu kín-thu̍k chhut-lòi.

³ Ngài ham ngì siên siá hâ-lòi, yîn-vi khí-sṳ sṳ̍t-hien ke ngit-khì hàn-màng to. Chúng-he sṳ̀-kiên chhiu voi to lé, Ngài só chṳ́-sṳ pûn ngì ke tông-kiak chhiu voi sṳ̍t-hien. Ngì khó-nèn voi kám-kok thet-man, chúng-he tén-tén lòi-khon â, sṳ-chhìn yit-thin voi fat-sên, m̀-voi yèn-chhàn.

⁴ Liá he Ngài khí-sṳ ngì ke sin-sit: ‘Chhṳ-kô chhṳ-thai ke ngìn, sîm-tú mò chṳn-chhṳ̍t; chúng-he ngi-ngìn voi yîn-vi yû sin-sîm lòi tet-tó sâng-miang.’ ”

Put-ngi ke Ngìn voi Sṳ̀n-su Châi-fo

⁵ Chhòi-fu sṳ́ ngìn kiên-cha, kiêu-ngau, tet m̀-tó ôn-sit. Kì-têu ke thâm-sîm chhiong yîm-kiên án-thai, chhiong sí ke khièn-sṳ án-ngiòng, yún-yén m̀-voi mân-chiuk. Mo̍k-koai kì-têu oi cham-liâng van-koet, thúng-yit van-mìn.

⁶ Pûn kì-têu cham-liâng ke ngìn-mìn oi chu-chú, sâu-nat kì-têu kóng: “Ngì-têu cham phe̍t-ngìn ke tûng-sî pien-cho chhṳ-kâ ke, ngì-têu voi yû châi-nan lé! Ngì-têu sû kô-li-sit, pot vàng-chhòi hàn oi to kí-kiú nè?”

⁷ Chhai ngì mò sióng-tó ke sṳ̀, ngì liá cham-liâng phe̍t-ngìn ke ngìn voi pien-cho pà-chai ke ngìn, voi pûn-ngìn khiòng-pet vàn kô-li. Sù-thi̍t voi lòi met-sôi ngì; kì-têu voi lòi chhióng ngì!

⁸ Ngì sṳt chhióng chhin-tô koet-kâ ke ngìn-mìn, liá-ha ke-têu hàn-sâng ke ngìn oi lòi chhióng ngì. Liá-ke sṳ voi fat-sên; yîn-vi ngì chhṳ̀-ngìn, ngì chhîm-fam kì-têu ke thú-thi lâu sàng-sṳ, pin só-yû he̍t chhai khì-chûng ke ngìn.

⁹ Ngì voi yû châi-nan lé! Ngì yung chhióng-kiap sṳ́ chhṳ-kâ hó-ngiak. Ngì chhai kô-kô ke só-chhai cho-teu sióng-oi thò-phit châi-nan.

¹⁰ Chúng-he ngì ke kúi-kie hoi ngì ke kâ tù-tó kien-seu; ngì fí-me̍t chhin-tô koet-kâ ke ngìn-mìn, fán-chón chhṳ-kâ chêu-lòi fí-me̍t.

¹¹ Lièn chhiòng-thèu táng ke sa̍k-thèu ya chhin-hêm oi kûng-kit ngì, tung-liòng ya khiung-ha en-sâng.

¹² Ngì voi yû châi-nan lé! Ngì yung chhui-ok hí-sàng, yung hiûng-sat kien-li̍p tû-sṳ.

¹³ Lie̍t-koet ke tá-piang, van-mìn ke lò-luk cho yit-ha pûn fó sêu chhiang-chhiang, chhiòn-phu pien-cho khûng-khûng. Liá he Song-chú — Van-kiûn Ngièn-soi ke chok-vì.

¹⁴ Chúng-he, chhiu-chhiong thai-hói chhûng-mân hói-súi, thai-thi voi chhûng-mân tui Song-chú yùng-kông ke ngin-sṳt.

¹⁵ Ngì voi yû châi-nan lé! Ngì fat-khién ke sṳ̀ pet ngì ke lìn-sa sṳ̍t-chiú-chui, oi khon kì chhak-sṳ̂n lu-thí.

¹⁶ Ngì ya voi chhin kien-seu, kông-yùng m̀-kien thet. Ngì chhṳ-kâ oi chui-to tiên-lòi tiên-hi. Song-chú oi sṳ́ ngì lîm ngì su chit-fa̍t ke pî; ngì ke kông-yùng voi pien-cho kien-seu.

¹⁷ Ngì chám-thet Lì-pâ-nun ke su-lìm, liá-ha ngì oi pûn-ngìn chám-thet. Ngì sat-hoi su-lìm chûng ke thung-vu̍t, liá-ha ngì oi pûn thung-vu̍t hoi-sí. Liá-ke sṳ voi fat-sên; yîn-vi ngì chhṳ̀-ngìn, ngì chhîm-fam kì-têu ke thú-thi lâu sàng-sṳ, pin só-yû he̍t chhai khì-chûng ke ngìn.

¹⁸ Ngiéu-siong yû má-ke yung nè? Kì he ngìn só-khat ke; yín-yu ngìn kóng fâ-liâu thin-thin. Chho kì ke ngìn hi siông-sin kì, to-tái yû má-ke hó-chhu nè? Kì lièn kóng-fa tû m̀-voi!

¹⁹ Ngì voi yû châi-nan lé! Ngì tui yit-te su-thèu kóng: “Hó-siáng lé!” Tui yit-te á-è sa̍k-thèu kóng: “Hong-hí-lòi â!” Ngiéu-siong nèn khí-sṳ ngì má-ke nè? Oi tî, kì sûi-yèn ngoi-péu yung kîm-ngiùn pâu-tén, tî-poi sa mò sâng-miang.

²⁰ Chúng-he Song-chú chhai Kì ke sṳn-thien tông-chûng; thi-song van-mìn oi chhai Kì mien-chhièn tiâm-chhin!

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan